North British Locomotive Company
Die North British Locomotive Company (NBL, NB Loco of North British) is geskep in 1903 deur die samesmelting van drie Glasgowse lokomotiefvervaardigingsmaatskappye; Sharp, Stewart and Company (Atlaswerke), Neilson, Reid and Company (Hyde Parkwerke) en Dubs and Company (Queens Parkwerke), dit skep toe die grootste lokomotiefproduksiemaatskappy in Europa en die Britse Ryk.
| North British Locomotive Company | |
 | |
| Tipe | Privaat |
|---|---|
| Gestig | 1903 |
| Hoofkantoor | Springburn, Glasgow, Skotland, Verenigde Koninkryk |
| Sleutelpersone | William Lorimer (voorsitter) Sir Hugh Reid (Besturende Direkteur) |
| Industrie | Spoorvervoer |
| Produkte | Lokomotiewe |
| Werknemers | 8 000 (1907) 2 658 (1960) |
| Ontbind | 1962 |
Die belangrikste fabrieke was geleë op die naburige Atlas- en Hyde Parkwerke in sentrale Springburn, sowel as die Queens Parkwerke in Polmadie. 'n Nuwe sentrale administratiewe- en tekenkantoor is vir die gekombineerde maatskappy oorkant die pad van die Hyde Parkwerke in Flemingtonstraat deur James Miller gebou in 1909.
Die twee ander spoorwegwerke in Springburn was St. Rollox spoorwegwerke van Caledonian Railway en Cowlairs spoorwegwerke, destyds deur die North British Railway besit.
In 1918 het NBL ook die eerste prototipe van die Anglo-Amerikaanse Merk VIII-slagveldtenk vir die geallieerde magte gebou, maar na die wapenstilstand het dit nooit produksie bereik nie.
 | Hierdie treinartikel is 'n saadjie. Jy kan Wikipedia help deur dit uit te brei. |