North Caspian Institute
| North Caspian Institute | |
|---|---|
| Tipe webblad | Analise-sentrum |
| Taal(e) | Engels en Russies |
| Opgerig | 2024 |
| Huidige status | Aktief |
| URL | northcaspian |
Die North Caspian Institute (Afrikaans: Noord-Kaspiese Instituut) is 'n onafhanklike multidissiplinêre analise-sentrum vir etniese en politieke prosesse in die Noord-Kaspiese streek wat op die grens tussen Oos-Europa en Sentraal-Asië lê.
Dit is in Januarie 2024 deur Dor Shabashewitz en Davur Dordzhiev gestig om meer aandag te trek na hierdie onderbestudeerde oorgrensstreek. Volgens die instituut se stigters is navorsing van die Noord-Kaspiese gebied van hoë strategiese belang vir globale veiligheid as gevolg van die komplekse politieke prosesse en nuwe separatistiese bewegings wat verband hou met die Russiese inval in Oekraïne en die veranderende rol van Rusland vir Sentraal-Asië en die Kaukasus.[1]
Analitiese verslae, artikels en opstelle deur die instituut se ontleders en gasskrywers word in die aanlyn-joernaal North Caspian Report gepubliseer.[2]
Verwysings
wysig- ↑ "About us". North Caspian Institute (in Engels). Besoek op 3 Maart 2024.
- ↑ "North Caspian Report". North Caspian Institute (in Engels). Besoek op 3 Maart 2024.