Northcliff is 'n welgestelde en eksklusiewe voorstad van Johannesburg, Suid-Afrika. Die voorstad is geleë op Northcliffrif, wat aan die een kant 'n uitsig bied oor die sentrale sakegebied en aan die ander kant van die boomryke noordelike voorstede. Northcliff se groot wonings is teen 'n steil helling van die heuwel geleë en grens aan die Randburgse voorstede Fairland, Blackheath, Cresta en Berario.

Northcliff
Northcliff is in Gauteng
Northcliff
Northcliff
 Northcliff se ligging in Gauteng
Koördinate: 26°8′46″S 27°58′12″O / 26.14611°S 27.97000°O / -26.14611; 27.97000Koördinate: 26°8′46″S 27°58′12″O / 26.14611°S 27.97000°O / -26.14611; 27.97000
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
Oppervlak
 • Totaal9,06 km2 (3,50 vk. myl)
Bevolking
 (2011)[1]
 • Totaal14 664
 • Digtheid1 619/km2 (4 190/vk. m.)
Rasverdeling (2011)
 • Wit mense63.5%
 • Indiërs/Asiërs7.5%
 • Bruin mense4.9%
 • Swart mense22.8%
 • Ander1.2%
Taal (2011)
 • Engels 55.1%
 • Afrikaans 25.4%
 • Zoeloe 4.1%
 • Tswana 2.9%
 • Ander 12.5%

Onlangs is daar strate met toegangsbeheer afgesper om meer sekuriteit en eksklusiwiteit aan inwoners van Northcliff te bied. Northcliff is geleë in streek B van die Stad Johannesburg Metropolitaanse Munisipaliteit.

GeskiedenisWysig

 
Uitsig oor Northcliff (1978)

Die woonbuurt is uitgelê op 'n gedeelte van die plaas genaamd Waterval op die ou Witwatersrand.[2] Dit is op 3 Oktober 1934 gestig en genoem na die noordelike rif.

GeografieWysig

Northcliffrif (ook bekend as Aasvoëlkop vanweë die kranse wat deur hierdie roofvoëls bewoon was voordat dit verstedelik is) word al meer as 250 000 jaar lank deur mense bewoon. Op 1807 meter is die rif die tweede hoogste punt in Johannesburg, een meter laer as die Observatory-heuwel. Dit het drie plantegroeisones en word deur baie verskillende diere bewoon.

EkonomieWysig

Northcliff word bedien deur Cresta Shopping Centre, een van die grootste winkelsentrums in Johannesburg wat op die grens van Northcliff in die voorstad Cresta geleë is. Ander kleiner voorstedelike winkelkomplekse is binne maklike toegang, byvoorbeeld Northcliff Corner, The Verdi Centre, Heathway Square en Home Living Design Centre.

OnderwysWysig

Hoewel dit in Blackheath geleë is, gee die voorstad sy naam aan die Northcliff High School asook Northcliff Primary School.

VerwysingsWysig

  1. 1,0 1,1 1,2 1,3 "Subplek Northcliff". Sensus 2011.
  2. Raper, Peter E.; Moller, Lucie A.; du Plessis, Theodorus L. (2014). Dictionary of Southern African Place Names. Jonathan Ball Publishers. p. 1412. ISBN 9781868425501.