Northrop Grumman B-2 Spirit
Die Northrop Grumman B-2 Spirit is 'n Amerikaanse strategiese bomwerper. Die publiek het op 22 November 1988 vir die eerste keer die rewolusionêre ontwerp gesien. Die vliegtuig is effektief 'n vlieënde vlerk en toon baie ooreenkomste met die Northrop YB-49 vlieënde vlerk van 1947. Dit is 'n strategiese bomwerper met 'n lang togafstand wat 'n bemanning van twee dra. Die vliegtuig se vermoë om teen alle hoogtes te kan vlieg met 'n uiters lae sigbaarheid vir radar maak dit 'n sluipvliegtuig (stealth) en gee dit die vermoë om die mees gesofistikeerde verdediging binne te dring en tot 16 kernwapens op sleutelteikens los te laat.
| Northrop Grumman B-2 Spirit | |
|---|---|
.jpg) | |
| Tipe | Bomwerper |
| Vervaardiger | Northrop Corporation Northrop Grumman |
| Nooiensvlug | 17 Julie 1989 |
| Vrygestel | 1 Januarie 1997 |
| Status | In diens |
| Hoofgebruiker | Amerikaanse Lugmag |
| Vervaardig | 1987–2000 |
| Aantal gebou | 21 |
| Eenheidskoste | VS$ 1,2 miljard |
Die vliegtuig het sy nooiensvlug op 17 Julie 1989 voltooi. Die vliegtuig het 'n kleiner infrarooi, akoestiese, elektromagnetiese, visuele en radarprofiel. Dit maak dit moeilik vir die mees gesofistikeerde verdedigingstelsels om die vliegtuig te bespeur, te volg en aan te val. Baie van die tegnologie wat die vliegtuig sy sluipeienskap gee is geklassifiseer, van die tegnologie behels grafietharsmateriaal, radarabsorberende verf en die vlieënde vlerk-eienskap dra daartoe by.
As gevolg van die B-2 se kleiner profiel word dit nie vergesel deur ondersteuningsvliegtuie soos frekwensie steuring, teen-radar of ander vegvliegtuie nie. Dit maak dit baie goedkoper en met sy groot bomrak doen dit die werk van vele kleiner vliegtuie. Die B-2 het 'n groot voordeel bo konvensionele bomwerpers. Met sy lae sigbaarheid het dit 'n groot voordeel teen hoë hoogtes want die vliegtuig se geheime sensors is baie meer effektief. 'n Amerikaanse studie toon dat twee B-2's die werk van 75 konvensionele vliegtuie kan doen. Dit beteken dat slegs vier bemanningslede se lewens in gevaar is teenoor die 132 indien konvensionele vliegtuie gebruik sou word.
Die B-2 kan kern- sowel as konvensionele wapens dra. Sonder hervulling het dit 'n togafstand van 9 654 km.
Operasionele diens wysig
Die B-2 het op 24 Maart 1999 sy operasionele vuurdoop gehad as deel van Operasie Allied Force in Serwië. Twee B-2's het 32 908 kg se bomme en vuurpyle met behulp van Joint direct-attack munitions (JDAM) op Serwiese teikens afgevuur. Die missie het begin op die Amerikaanse Lugmagbasis Whiteman in Missouri en 31 uur later, sonder om enige plek te stop, het die twee vliegtuie teruggekeer nadat hulle hul geleide vuurpyle akkuraat afgevuur het. Die missie beklemtoon die B-2 se vermoë.
Deur die loop van Operasie Allied Force het ses B-2's 45 missies voltooi en 656 se JDAM vuurpyle op kritiese teikens gevuur. Die B-2 was verantwoordelik vir die vernietiging van 33 persent van alle teikens in die eerste agt weke.
Gedurende Operasie Enduring Freedom in Afghanistan het die B-2's ses missies in die eerste drie dae van die oorlog voltooi. Elke missie het 70 uur geduur, dit sluit die vlug in van Whiteman na Afghanistan, omdraai te Diego Garcia om nuwe bemanning te kry, en dan die vlug terug na Whiteman Lugmagbasis.
Die vliegtuig kos $1,2 miljard en gee die Verenigde State 'n groot voordeel oor sy vyande.
Tegniese besonderhede wysig
| Item | Statistiek |
|---|---|
| Aantal motors | 4 |
| Tipe motor | Straalmotor |
| Vervaardiger | General Electric thrust F-118-GE-100 |
| Kraglewering per motor | 7 854 kg stukrag |
| Vlerkspan | 52,12 m |
| Lengte | 20,9 m |
| Hoogte | 5,1 m |
| Vlerkoppervlakte | 464,5 m2 |
| Maks. opstygmassa | 170 704 kg |
| Maks. snelheid | 915 km/h |
| Operasionele hoogte | 15 250 m |
| Togafstand | 9 654 km |
| Klimvermoë | Onbekend |
| Bewapening | 18 160 kg bomme kern of konvensioneel |
Bron wysig
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9