Ou Bemarkingsdienstegebou UP

Die Ou Bemarkingsdienstegebou op die Hatfieldkampus van die Universiteit van Pretoria dateer uit 1960. Dit is opgerig om as kantore te dien vir die dosente wat in die Kanseliersgebou klasgegee het – die gebou was oorspronklik bekend as die Dosentekantore 1. Die gebou is later deur die Departement Tegniese Dienste gebruik en daarna deur die Departement Bemarkingsdienste. Dit huisves tans die Departemente van Gemeenskapsbetrokkenheid, Navorsingsondersteuning en Internasionale Betrekkinge. Die gebou het die bynaam van Badkamergebou gekry as gevolg van die blou muurteëls aan die buitekant van die gebou.