Ou Chemiegebou UP

Die Ou Chemiegebou is histories die eerste gebou op die Hatfieldkampus van die Universiteit van Pretoria waar daar met konstruksiewerk begin is, maar dit is eers in 1911 na die inwyding van die Ou Letteregebou voltooi. Dit is ontwerp deur mnr Cleland, hoof van die Departement van Openbare Werke. Die ontwerp van hierdie gebou in die Renaissance-styl is grootliks beïnvloed deur die Herbert Baker Skool van Argitektuur. In 1971 is die suidelike vleuel van die gebou gesloop om plek te maak vir die bou van die biblioteek. Slegs ’n enkele gewelf van daardie vleuel het behoue gebly. Die gebou word nou grootliks oorskadu deur meer moderne geboue, maar is steeds ’n belangrike landmerk op die kampus. Dit gebou is oorspronklik gebou om die Departemente Chemie en Fisiese Wetenskappe te huisves en konstruksiekoste het sowat £13 500 beloop. In 1921 het die Departement Dierkunde ook vir ’n rukkie hier ingetrek. Vandag huisves die Ou Chemiegebou die kwaliteiteenheid, die kampuskiosk en ’n fotokopiëringdiens.[1]

Ou Chemiegebou

Verwysings wysig