Outjo

Outjo (Herero: klein koppe) is 'n dorp met 6 000 inwoners in die Kunene-distrik van Namibië. Dit is die setel van die Outjo-kiesafdeling in die distrik. Die dorp is bekend as 'n belangrike poort na die Etosha Nasionale Park.

Outjo
'n Lugbeeld van Outjo in 2018
Wapen
Outjo
Koördinate: 20°06′32″S 16°09′17″O
Land	Namibië
Streek	Kunene
Kiesafdeling	Outjo
Regering
• Burgemeester	Kleophas Geingob
Bevolking
• Totaal	6 013
Tydsone	UTC+2 (SAST)

Die Gereformeerde kerk Outjo. Dié gemeente was die eerste Afrikaanse kerk op die dorp.

Outjo is in 1897 deur die Duitsers onder bevel van kol. Theodor von Leutwein as 'n militêre basis gestig. Die doel hieragter was om die noordelike gebied van Duitswes-Afrika verder te verken. Die plaaslike historiese museum (Franke Haus Museum) dokumenteer die veldtog van majoor Victor Franke deur Ovamboland.

Die "Impalila-monument" gedenk die strafekspedisie van majoor Victor Franke in Oktober 1914 teen die Portugese fort van Impalila in Angola. Dit volg nadat 'n Duitse afvaardiging wat gestuur is om 'n verdrag van nie-aggressie te onderhandel vermoor is.

Die dorp lê naby die Gamkarab-grot, wat bekend is vir sy stalaktiete, stalagmiete en sy pietersiet (stormsteen). Die grotte is op privaat grond en dus nie oop vir die publiek nie.

Sien ook

• NG gemeente Outjo
• Gereformeerde kerk Outjo
• Privaatskool Moria

Eksterne skakels

• Wikimedia Commons het meer media in die kategorie Outjo.
• http://www.outjo-namibia.com/ Geargiveer 7 Oktober 2011 op Wayback Machine
• http://www.outjomunicipality.com/ Geargiveer 23 Junie 2013 op Wayback Machine
• Inligting oor Privaatskool Moria Geargiveer 11 Maart 2016 op Wayback Machine