P.W. Bosman

P.W. Bosman (*7 Februarie 1815, Stellenbosch - †5 September 1889, Stellenbosch) was ’n vooraanstaande man in die Stellenbosch-gemeenskap van die negentiende eeu. Hy skryf gedigte en onder sy nasate is daar verskeie belangrike letterkundige figure, insluitende Elisabeth Eybers en Marie Linde.

Lewe en werk

Vroeë lewe en herkoms

Petrus Wilhelmus Jacobus Bosman is op 7 Februarie 1815 op Bottelaryberg in Stellenbosch gebore as die oudste van tien kinders van Jan Christoffel Bosman en Catharina Maria Immelman.^[1] Hy het sewe broers (Daniel Ferdinand Immelman, Jan Christoffel, Izak Johannes, Gysbert Christiaan, Christiaan Jacobus, Arnoldus Johannes en Petrus Johannes) en twee susters (Catharina Maria en Susanna Johanna Elizabeth).

Persoonlike lewe

Op 8 Mei 1836 trou hy in die Paarl met Anna Elizabeth de Villiers. Na die huwelik boer hy op Rosendal (vandag Mooiplaas) in die Bottelary in die Wes-Kaap en is die derde Bosman-eienaar van hierdie plaas. Hy word later ook die eienaar van die plaas Mon Repos naby Stellenbosch. Die seun Jan Christoffel (in 1837) en die dogter Johanna Margaretha (in 1839) word uit hierdie huwelik gebore.

Sy vrou het talle miskrame totdat sy op 20 Desember 1840 op Stellenbosch oorlede is. Hy trou dan op 14 Mei 1842 met Elizabeth Susanna Petronella Marais. Ses seuns (Abraham Johannes, Petrus Jacobus, Daniel Ferdinand, Johannes Jacobus, Izak Johannes en Jacobus) en drie dogters (Elizabeth Rachel Johanna, Catharina Margaretha en Maria Elizabeth) word uit die huwelik gebore.

Sy vrou ontval hom op 5 Augustus 1860 op Stellenbosch, waarna hy op 22 Januarie 1861 met Maria Johanna Neethling trou. Sy is op 4 April 1871 oorlede nadat die dogters Engela Johanna en Geertruida Woutrina en die seuns Jan Henoch en Hendrik Johannes uit die huwelik gebore is.

Hy is op 5 September 1889 op Mon Repos in Stellenbosch oorlede.

Bydrae tot Stellenbosch gemeenskap

Hy is ’n man van stand en posisie in die gemeenskap en onder andere een van die stigters van die Stellenbosch Distriksbank en diaken in die NG Kerk op Stellenbosch. Sy bynaam was Piet Ribbe en Marie Linde (bekende prosaskrywer) is ’n kleindogter en Elisabeth Eybers (die beroemde digter) ’n agterkleindogter van hom.

Skryfwerk

Sy gedig Kerkinwijding te Stellenbosch word opgeneem in Gerrit Komrij se bloemlesing Die Afrikaanse poësie in ’n duisend en enkele gedigte. Na sy dood word in 1894 ’n beperkte oplaag van sy gedigte uitgegee onder die titel Nagelaten gedichten van P.W. Bosman, uitgegeven tot aandenken voor de familieleden.

Publikasies

Jaar	Publikasies
1894	Nagelaten gedichten

Bronnelys

Internet

Ancient Faces: http://www.ancientfaces.com/person/petrus-wilhelmus-jacobus-piet-ribbe-bosman/737721
Bosman, Isak: https://groups.yahoo.com/neo/groups/bosmansa/conversations/topics/335 Geargiveer 25 Maart 2017 op Wayback Machine
Cillié, Gawie Die Burger: http://m24arg02.naspers.com/argief/berigte/dieburger/1993/10/11/7/9.html^{[dooie skakel]}
Diedericks: http://www.diedericks.co.za/aqwg75.htm
Geni: http://www.geni.com/people/Petrus-Wilhelmus-Jacobus-Bosman/6000000002898007105
La Vita, Murray Die Burger: http://152.111.1.87/argief/berigte/dieburger/2011/07/22/SK/15/isakb.html
My Heritage: https://www.myheritage.com/names/petrus_bosman
Sharedtree: http://www.sharedtree.com/family/879441
Wikitree: http://www.wikitree.com/wiki/Bosman-298

Nota

↑ Genealogiese besonderhede soos in Geni webwerf: http://www.geni.com/people/Petrus-Wilhelmus-Jacobus-Bosman/6000000002898007105. Hierdie webwerf het die volledigste besonderhede, maar verskil in detail van die Sharedtree en die My Heritage webwerwe. Die Sharedtree webwerf dui meer broers aan en dit is onduidelik watter een van die twee korrek is. Die broer Petrus Johannes, wat ingesluit is in die Sharedtree webwerf maar weggelaat uit Geni, kom ook voor in die Diedericks-webwerf en dit is dus waarskynlik dat hy wel ’n broer van Piet Ribbe was. Hy word dus ook gemeld in hierdie profiel. Dit is duidelik dat die Geni webwerf meer betroubaar is as die ander aangaande die kinders uit sy huwelike, maar gegewe die moontlike onvolledigheid van die inligting aangaande die broers, kan daar ook nie heeltemal op hierdie inligting staatgemaak word nie.

[1] Genealogiese besonderhede soos in Geni webwerf: http://www.geni.com/people/Petrus-Wilhelmus-Jacobus-Bosman/6000000002898007105. Hierdie webwerf het die volledigste besonderhede, maar verskil in detail van die Sharedtree en die My Heritage webwerwe. Die Sharedtree webwerf dui meer broers aan en dit is onduidelik watter een van die twee korrek is. Die broer Petrus Johannes, wat ingesluit is in die Sharedtree webwerf maar weggelaat uit Geni, kom ook voor in die Diedericks-webwerf en dit is dus waarskynlik dat hy wel ’n broer van Piet Ribbe was. Hy word dus ook gemeld in hierdie profiel. Dit is duidelik dat die Geni webwerf meer betroubaar is as die ander aangaande die kinders uit sy huwelike, maar gegewe die moontlike onvolledigheid van die inligting aangaande die broers, kan daar ook nie heeltemal op hierdie inligting staatgemaak word nie.

[1]