Paardeneiland

Paardeneiland is 'n nywerheidsgebied in Bloubergstrand, noordoos van Kaapstad in die Wes-Kaap, Suid-Afrika, op land wat van die see herwin is. Die sameloop van die Liesbeek- en Swartrivier mond hier in Tafelbaai uit.

'n Ou lokomotief in Paardeneiland wat vir die herwinning van die strandgebied gebruik is.

Die oorsprong van die naam is nie duidelik nie. Dit dui moontlik op die vroeëre aanwesigheid van sebras, kwaggas of wilde perde. Daar word ook gespekuleer dat perde met laagwater in vergange dae op die eiland gejaag is om daar te gaan wei.

Bronne

• Suid-Afrikaanse Pleknaamwoordeboek, P.J. Pienaar, Tafelberg-uitgewers, p 312
• Die Burger van 13 April 1949