Palomar-sterrewag

Die Palomar-sterrewag is 145 km suidoos van Los Angeles, Kalifornië, geleë in die Palomar-berge. Dit behoort aan die Kaliforniese Instituut vir Tegnologie (Caltech) in Pasadena. Navorsingstyd word toegeken aan Caltech en sy navorsingsvennote, wat insluit die Jet Propulsion Laboratory (JPL) en Cornell Universiteit.[1]

Die Palomar-sterrewag in Kalifornië.

Daar is verskeie teleskope in die sterrewag, onder meer die Hale-teleskoop van 5,1 m en die Samuel Oschin-teleskoop van 1,2 m. Ander instrumente en projekte word ook daar gehuisves, soos die Palomar-proefbedinterferometer en die historiese Schmidt-teleskoop van 0,46 m, Palomar se eerste teleskoop wat van 1936 dateer.

Verwysings wysig