Papa Roach

Papa Roach is 'n harde rockgroep van Vacaville, Kalifornië. Hulle het sover elf albums vrygestel: Old Friends from Young Years (1997), Infest (2000) Lovehatetragedy (2002), Getting Away with Murder (2004), The Paramour Sessions (2006) en Metamorphosis (2009), The Connection (2012), F.E.A.R. (2015), Crooked Teeth (2017), Who Do You Trust? (2019), en Ego Trip, laasgenoemde onlangs vrygestel op 8 April 2022.

Papa Roach
Papa Roach in New York op 10 Maart 2009
Agtergrondinligting
Oorsprong	Vacaville, Kalifornië, VSA
Genres	Harderock, alternatiewe rock, Nu-metal
Jare aktief	1993 – hede
Assosiasies	Mötley Crüe Buckcherry Unwritten Law
Webwerf	http://www.paparoach.com
Lede	Jacoby Shaddix Jerry Horton Tobin Esperance Tony Palermo
Gewese lede	Dave Buckner

Groep geskiedenis

Old Friends from Young Years (1993–1998)

Papa Roach het in Januarie 1993 ontstaan toe Jacoby Shaddix (hoofsanger) en Dave Buckner (tromme) op die voetbalveld van die Vacaville Hoërskool ontmoet het gedurende 'n intense wedstryd, waar die twee uiteindelik oor musiek begin gesels het. Later het Will James (baskitaar) en Ben Luther (hoofkitaar) by hulle aangesluit om Papa Roach se eerste opstelling te voltooi. Die groep se naam kom van Shaddix se stief-oupa, Howard William Roatch, wie se bynaam Papa Roach was. Ben Luther is vervang deur Jerry Horton (hoofkitaar) van die nabygeleë Vanden Hoërskool.

In 1994 het Papa Roach hulle eerste EP, getiteld Potatoes for Christmas, vrygestel. Dave Buckner is tydelik vervang met Ryan Brown omdat Buckner die jaar in Seattle deurgebring het om in die kunste te studeer. In 1995 is die groep se tweede EP, getiteld Caca Bonita vrygestel. Teen hierdie tyd van Buckner weer terug.

Om te verseker dat die groep ontwikkel is was Will James vervang met Tobin Esperance omdat James se afwesigheid die groep se oefeninge en toere beperk het. Die oorgang was redelik maklik omdat Esperance reeds saam met die groep getoer het as 'n tegniese assistent.

In 1997 is die groep se eerste vollengte album, getiteld Old Friends from Young Years vrygestel. In 1998 is hulle derde EP, getiteld 5 Tracks Deep vrygestel en in 1999 is hulle vierde EP, met die titel Let 'Em Know vrygestel. Dié EP het die aandag van die Warner Music Group gelok, wat die produksie van 'n 5-snit voorbeeld-CD gefinansier het. Die Warner Music Group het egter besluit om nie 'n kontrak te sluit nie. Kort daarna is Shaddix deur DreamWorks gekontak met 'n aanbod vir die groep.

Infest (1999–2001)

Op 25 April 2000 is die groep se debuutalbum by 'n groot platemaatskappy, getiteld Infest vrygestel. Die eerste treffer van die album, "Last Resort", is op 18 September 2000 vrygestel. Die tweede treffer, "Between Angels And Insects", is op 23 April 2001 vrygestel en die derde treffer, "Broken Home", is op 31 Julie 2001 vrygestel.

Lovehatetragedy (2002–2003)

Op 18 Junie 2002 is die groep se tweede album, getiteld Lovehatetragedy vrygestel. Die album se eerste treffer, "She Loves Me Not" is op 4 Junie 2002 vrygestel en die album sy tweede treffer, "Time and Time Again" is op 17 Desember 2002 vrygestel.

Getting Away with Murder (2004–2005)

Op 31 Augustus 2004 is die groep se derde album, getiteld "Getting Away With Murder", vrygestel. Die eerste treffer van die album, "Getting Away With Murder" is op 23 Augustus 2004 vrygestel, die tweede treffer, "Scars", is op 19 Julie 2005 en die derde treffer, "Take Me" is aan die einde van 2005 vrygestel.

The Paramour Sessions (2006–2008)

Op 12 September 2006 is die groep se vierde album, getiteld The Paramour Sessions vrygestel. Die eerste treffer van die album, "... To Be Loved" is op 11 Oktober 2006 vrygestel en word op die oomblik gebruik as die temalied vir WWE Monday Night Raw. DIe tweede treffer, "Forever", die derde treffer, "Time Is Running Out" en die vierde treffer, "Reckless" is in 2007 vrygestel.

Op 25 April 2007 is bekend gemaak dat die tromspeler, Dave Buckner, die groep se volgende konserttoer sou mis. Die tromspeler van Unwritten Law, Tony Palermo, het vir Buckner ingestaan op die toer. Op 28 Januarie 2008 het Shaddix amptelik aangekondig dat Buckner die groep sou verlaat.

Metamorphosis (2008-huidig)

Op 24 Maart 2009 is Papa Roach se vyfde album, getiteld Metamorphosis, vrygestel. Die eerste treffer, "Hollywood Whore", is op 28 Oktober 2008 vrygestel, die tweede treffer, "Lifeline", is op 9 Januarie 2009 vrygestel en die derde treffer, "I Almost Told You That I Loved You"' is op 25 Mei vrygestel.

Musikale styl

In die eerste twee albums van die groep, Old Friends From Young Years (1997) en Infest (2000) het Papa Roach geneig om van nu-metal gebruik te maak. Sedert Lovehatetragedy (2002) het die musiekstyl van die groep verander na harde rock en alternatiewe rock. Met die nuutste album, Metamorphosis (2009) voel die groep dat hulle musiek deur 'n transformasie beweeg na "dit wat harder en vinniger" is, in vergelyking met die sagter klanke van hulle laaste paar albums.

Diskografie

Ateljeealbums

• Old Friends From Young Years (1997)
• Infest (2000)
• Lovehatetragedy (2002)
• Getting Away with Murder (2004)
• The Paramour Sessions (2006)
• Metamorphosis (2009)
• The Connection (2012)
• F.E.A.R. (2015)
• Crooked Teeth (2017)
• Who Do You Trust? (2019)
• Ego Trip (2022)

Eksterne skakels

• Amptelike webtuiste
• Papa Roach's Videos-Interviews-Live Performance