Pariser Platz
Pariser Platz
Plein in Berlyn
Aangelê
Tussen 1732 en 1734
Strate wat op die plein uitloop
Unter den Linden
Wilhelmstraße
Bedoel vir
Voetgangers, fietsryers, padverkeer, openbare vervoer
Pariser Platz is 'n vierkantige plein met 'n oppervlakte van sowat 1,5 hektaar wat in die buurt Dorotheenstadt van die Berlynse stadsdistrik Mitte geleë is.
Die plein, wat aan die oostekant van die Brandenburgse Poort (Brandenburger Tor) geleë is, vorm die eindpunt van Berlyn se bekende laan Unter den Linden en het sy pendant in die Platz des 18. März anderkant die Poort. Die Straße des 17. Juni, wat deur die sentrale park Tiergarten loop, het sy eindpunt in dié plein.
Vanaf 1945 tot die Duitse hereniging in 1990 was die Pariser Platz vlakby die sektoregrens tussen Wes- en Oos-Berlyn geleë en het sedert die bou van die Berlynse Muur in Augustus 1961 deel uitgemaak van die bewaakte sperlyn. Dit was nie toeganklik vir die publiek nie.
Met die politieke omwenteling van 1989 in die Duitse Demokratiese Republiek (Oos-Duitsland) is die plein weer vir voetgangers geopen. Tans is die ambassades van die Verenigde State en Frankryk en die luukse hotel Adlon op die plein geleë.
Eksterne skakels
wysig
Wikimedia Commons het meer media in die kategorie Pariser Platz.
