Parters

Die Parters was 'n volk in die oudheid wat van 235 v.C. - 224 n.C. oor Persië geheers het.

In 245 v.C. rebelleer Andragoras, 'n satraap van die jong Seleukidiese koning Seleukos II teen hom en 'n nomadiese volk uit Sentraal-Asië, die Parni, val die provinsie Partië binne. In 238 v.C. beset hulle die Astavene-distrik en drie jaar later vat hulle leier, Tiridates (Trdat), die hele Partië. 'n Teenaanval van Seleukos misluk en hy verloor ook Hirkanië. Die Seleukiede word na Sirië teruggedryf en Tiridates se broer Arsakes I word die eerste koning van die Partiese Ryk.