Passer (instrument)
'n Passer is 'n instrument waarmee 'n mens sirkels trek. Dit het gewoonlik twee bene, ongeveer 10 cm tot soveel as 20 cm lank (of selfs langer) en is aan die een punt aanmekaar vas. Waar die bene vas is, kan die bene uitmekaar skarnier. Die een been het 'n skerp punt en die ander been iets wat 'n merk kan maak, soos 'n potlood. Die skerp punt word op die papier geplaas waar die sirkel se middelpunt moet wees en dan word die ander been rondom getrek en 'n sirkel word op die papier afgemerk.
Om groot sirkels te trek op 'n stuk grond, kan 'n pen in die grond geslaan word en 'n tou om die pen vasgemaak word. Aan die anderkant van die tou kan nog 'n pen vasgemaak word waarmee die sirkel in die grond gekrap kan word.
In Engels word beide 'n passer en 'n kompas 'n "compass" genoem.
-
'n Steekpasser -
'n Valpasser -
'n Stokpasser -
Twee krompassers, en 'n voetjiespasser.
Eksterne skakels
wysig- Konstruksie van 'n sirkel met 'n passer op YouTube
Wikimedia Commons het meer media in die kategorie Passer (instrument).
