Perdikkas I was van 700 tot 678 v.C. koning van Masedonië en het die Argeïese Dinastie gestig. Sy pa was van Argos afkomstig en van dié stad is die naam Argeërs afgelei.
Perdikkas was die grondlegger van die Argeïese Dinastie en die Koninkryk van Masedonië toe hy die stad Edessa beleër het. Hy het die naam na Aigai verander en die tradisie begin om alle nakomelinge daar te begrawe. Hy het die herders oorreed om hul nomadiese bestaan prys te gee en te begin boer. Dit het bygedra tot die vorming en ontwikkeling van Masedonië.
