Petrovna Metelerkamp
Petrovna Metelerkamp is 'n Suid-Afrikaanse skryfster. Sy het die afgelope negentien jaar as uitgewer gewerk, maar skryf tans voltyds. Sy skryf meestal in Afrikaans en is bekroon vir haar magistrale biografie oor die digteres Ingrid Jonker: [1] Ingrid Jonker - 'n Biografie. Sy is ook joernalis en radio-omroeper en was op die redaksie van die tydskrifte Huisgenoot en Insig.
In 2003 stel sy Ingrid Jonker - Beeld van 'n digterslewe vry, en in 2012 Ingrid Jonker - A Poet's Life. Sy is die samesteller van onder meer Gesprekke oor Ingrid Jonker en die briewebundels 'n Blywende vreugde - Briewe van Audrey Blignault, Mits dese wil ek vir jou sê - Briewe van Hennie Aucamp, Briewe van Peter Blum, Briewe van Uys Krige, en die korrespondensie tussen die broers WEG en NP van Wyk Louw. In 2020 verskyn haar biografie oor Jeanne Goosen getiteld Jeanne Goosen - 'n lewe vol sinne.
Lys van werke as samesteller en skrywer
wysig- Ingrid Jonker - Beeld van 'n digterslewe, 2003
- Gesprekke oor Ingrid Jonker (samesteller), 2006
- EC Steijn - 'n Aristokraat van gees, 2009
- 'n Blywende vreugde - Briewe van Audrey Blignault (samesteller), 2010
- Ingrid Jonker - A Poet's Life, 2012
- Mits dese wil ek vir jou sê - Briewe van Hennie Aucamp (samesteller), 2013
- Ingrid Jonker - 'n Biografie, 2018
- Los gedagtes - Jeanne Goosen
- Het jy geweet ek kan toor - Jeanne Goosen
- Jeanne Goosen: 'n Lewe vol sinne, 2020 (Hemel en See Boeke)
- Sneeu in die Karoo en Agnes se boek - Jeanne Goosen en Agnes Morao
Verwysings
wysig- ↑ https://maroelamedia.co.za/afrikaans/boeke/boek-ingrid-jonker-n-biografie/
- ↑ Inligting verkry van die omslag van Ingrid Jonker - 'n Biografie, Eerste uitgawe, eerste druk 2018. Penguin Random House Suid-Afrika (Edms) Bpk