Phyllis Spira
Phyllis Bernice Spira (18 Oktober 1943 – 11 Maart 2008) was 'n Suid-Afrikaanse balletdanser wat in 1984 as 'n prima ballerina assoluta bekroon is. Sy was die dogter van Lazar en Fanny Pauline (née Rosen) Spira. Sy is dikwels deur haar tydgenote en kritici met die beroemde danser Alicia Markova vergelyk. Ninette de Valois het haar "'n baba Markova" genoem,[1] terwyl die redakteur van Dance & Dancers, Peter Williams, gesê het dat "Spira ongewoon baie soos Markova lyk, met 'n geurtjie van Fonteyn, maar met 'n benadering van haar eie."[1]
Phyllis Spira | |
|---|---|
| Gebore | Phyllis Bernice Spira 18 Oktober 1943 |
| Sterf | 11 Maart 2008 |
| Nasionaliteit | Suid-Afrika |
| Beroep | Danser |
| Bekend vir | Prima balerina |
| Eggenoot | Philip Boyd |
| Ouer(s) | Lazar Spira en Fanny Pauline Rosen |
Phyllis Spira is op 21 Desember 1986 in Kaapstad met Philip Boyd getroud. Die huwelik was kinderloos.
Na 'n voetbesering in Augustus 2007 het sy 'n reeks operasies aan beide haar bene ondergaan. As gevolg van komplikasies het sy 'n verdere operasie ondergaan, wat sy nie oorleef het nie. Sy is op Dinsdag, 11 Maart 2008 op die ouderdom van 64 by die Kingsbury-hospitaal in Kaapstad oorlede.
