Pieter de Villiers
Pieter de Villiers (* 1924 – † 2015) was 'n Suid-Afrikaanse pianis, orrelis en komponis.[1] Hy het aan die Konservatorium vir Musiek van Universiteit van Stellenbosch gestudeer en was daarna aan die SAUK verbonde. Nadat hy 'n tyd lank klavier, orrel en klavesimbel aan die Toonkunsakademie van die Universiteit van Pretoria gedoseer het, is hy in 1965 aangestel as professor in musiek aan die Potchefstroomse Universiteit.
Pieter de Villiers is bekend as pianis, begeleier, kamermusiekspeler, koorafrigter, klavesimbelspeler en komponis. Van sy bekendste werke is: Sewe Boerneefliedjies, Klein Psalmkantate, Pretoria-suite vir klavier en Op die Krovlak.
De Villiers is in 2015 op die ouderdom van 90 in 'n versorgingsoord in Stellenbosch oorlede.
Verwysings
wysig- ↑ Wêreldspektrum, 1982, ISBN 0908409451