'n Piktogram[1] is 'n klein prentjie wat gebruik word om iets aan te dui ('n tipe beeldskrif). Piktogramme word algemeen gebruik, omdat hulle deur alle mense (ongeag van die taal wat hulle gebruik) verstaan word, selfs deur diegene wat nie kan lees of praat nie. Die woord piktogram is uit Latyns afgelei: pictus, geskilder en gramma, letter.

Piktogramme wat deur die VSA se Nasionale Parkeraad gebruik word.

Piktogramme word dikwels gebruik om belangrik inligting vinnig oor te dra. Om 'n prentjie te sien is vinniger as om woorde te lees. As gevolg hiervan word piktogramme dikwels in noodsituasies gebruik, soos om 'n nooduitgang aan te dui.

Piktogramme kan algemeen langs paaie, op lughawens en treinstasies, asook op die verpakking van sekere produkte gesien word. Iemand wat piktogramme teken, word 'n piktograaf genoem.

Voorbeelde wysig

Unicode wysig

Unicode is 'n internasionale standaard vir die identifikasie van grafiese tekens en simbole (soortgelyk aan die ASCII-kode). Die standaard ken 'n nommer aan alle tekens en simbole ('karakters') van alle geskrewe tale toe.

Telefoon (Kode: 260F) Vliegtuig (Kode: 2708)

ISO 7001:1990 vir publieke simbole wysig

  Restaurant/ eetplek
  Toilet

Ander voorbeelde wysig

Verwysings wysig

  1. SDR trek 'n streep deur kales op strande[dooie skakel], Die Burger, 27 Februarie 1991

Eksterne skakels wysig