Pink Floyd
Pink Floyd was 'n Britse musiekgroep wat in 1965 in Londen gevorm is. Hulle het internasionale faam behaal met hul progressiewe en psigedeliese musiek en word onthou vir hul gebruik van filosofiese lirieke, klankeksperimente, uitgebreide komposisies en verstommende konsertoptredes wat van hulle een van die kommersieel suksesvolste en invloedrykste groepe in die geskiedenis van popmusiek gemaak het.
Pink Floyd | |
|---|---|
 Pink Floyd (1973) | |
| Agtergrondinligting | |
| Oorsprong | Londen, Verenigde Koninkryk |
| Genres | Progressiewe rockmusiek, psigedeliese rockmusiek, art rock, blues rock |
| Jare aktief | 1965-1994, 2013-2014 |
| Etikette | EMI Columbia, Harvest, Capitol, Columbia, EMI, Parlophone |
| Webwerf | pinkfloyd.com |
| Gewese lede | Nick Mason Roger Waters Richard Wright Syd Barrett David Gilmour |
Pink Floyd is in 1965 deur die studente Syd Barrett, Nick Mason, Roger Waters en Richard Wright gestig. In die laat 1960's het hulle met hul lewende optredes in Londen se ondergrondse musiekkringe gewild geraak. Onder Barrett se leierskap het Pink Floyd twee enkelspelers en in 1967 hul debuutalbum, The Piper at the Gates of Dawn, vrygestel wat almal sukses op die Britse trefferlyste behaal het. In Desember 1967 het David Gilmour as vyfde groeplid by Pink Floyd aangesluit, terwyl Barrett die groep in April 1968 weens sy verswakkende geestelike gesondheid, wat aan dwelmmisbruik toegeskryf is, moes verlaat.
Vervolgens het Roger Waters die groep se vernaamste liedteksskrywer en, teen die middel van die sewentigerjare, ook hul belangrikste liedjieskrywer geword wat die konsepte agter Pink Floyd se hoogs suksesvolle albums ontwikkel het. Langspelers in dié perode, ook deur kritici gunstig ontvang is, sluit The Dark Side of the Moon (1973), Wish You Were Here (1975), Animals (1977), The Wall (1979) en The Final Cut (1983) in.
Hulle word sewende gelys, na die Beatles, vir die aantal albums wat wêreldwyd verkoop is. Nadat Roger Waters die groep verlaat het (die laaste album waaraan hy saam Pink Floyd gewerk het was "The Final Cut"), het hy verskeie soloalbums opgeneem, onder andere Radio K.A.O.S, Pros and Cons of Hitchhiking en Amused to Death. Waters het ook in 2004 'n bekroonde opera met die naam Ce Sera geskryf, wat handel oor die Franse Rewolusie.
Lede
wysig- Syd Barrett — kitaar, sang (1965–1968)
- Nick Mason — tromme, sang (1965–1995, 2005, 2012–2014)
- Roger Waters — baskitaar, sang, kitaar (1965–1985, 2005)
- Richard Wright — klawerbord, klavier, orrel, sang (1965–1979, 1990–1995, 2005) (toerlid vanaf 1979–1981 en 1986–1990)
- David Gilmour — kitaar, sang, baskitaar, klawerbord (1967–1995, 2005, 2012–2014)
Albums
wysig- The Piper at the Gates of Dawn (1967)
- A Saucerful of Secrets (1968)
- Music From the Film More (1969)
- Ummagumma (1969) (regstreeks en studio)
- Zabriskie Point (1970) (klankbaan; verskeie kunstenaars)
- Atom Heart Mother (1970)
- Relics (1971) (versameling)
- Meddle (1971)
- Obscured By Clouds (1972)
- The Dark Side of the Moon (1973)
- Masters of Rock (1973 or 1974) (versameling)
- A Nice Pair (1973) (versameling)
- Wish You Were Here (1975)
- Animals (1977)
- The Wall (1979)
- A Collection of Great Dance Songs (1981) (versameling)
- Works (1983) (versameling)
- The Final Cut (1983)
- A Momentary Lapse of Reason (1987)
- Delicate Sound of Thunder (1988) (regstreeks, ook op VHS/DVD)
- Shine On (1992) (versameling, CD-stel)
- The Early Singles (1992) (versameling, verpak as 'n bonus met Shine On)
- The Division Bell (1994)
- London '66-'67 (1995)
- P-U-L-S-E (1995) (lewendig, ook op VHS/DVD)
- Is there Anybody Out There?: The Wall Live 1980-1981 (2000) (regstreeks)
- Echoes (2001) (beste-van versameling)
- Live at Pompeii: Directors Cut (2003) (DVD met lewendige uitvoering pre-DSOTM; voorheen verkrygbaar as videokasset en laserskyf)
- The Dark Side of the Moon (hibriede superoudio-CD, 2003)
- The Endless River (2014)