Poets' Corner
Poets' Corner is die naam waarmee tradisioneel na die Suidelike Dwarsskip van die Westminster-abdy te Londen verwys word omrede die honderdtal digters, dramaturge en skrywers wat hier ter ruste gelê is of met monumente herdenk word.[1]
.jpg)
Die eerste digter, wat sy laaste rusplek in Poets' Corner gevind het, was Geoffrey Chaucer in 1556. Oor die eeue heen het die tradisie ontstaan om hier persoonlikhede te begrawe of te herdenk wat 'n beduidende bydrae tot die Britse kultuur gelewer het. Die oorgrote meerderheid persoonlikhede, aan wie hierdie eer betoon is, was skrywers.
In 2009 is die stigters van die Koninklike Ballet (Royal Ballet) op 'n vloersteen herdenk, terwyl die Victoriaanse skryfster Elizabeth Gaskell op 25 September 2010 met 'n paneel in die gedenkvenster vereer is. Die vroeëre Britse laureaat-digter Ted Hughes is op 6 Desember 2011 met 'n vloersteen herdenk, en dieselfde eer is ter geleentheid van die vyftigste herdenking van sy sterfdag op 22 November 2013 aan die skrywer C.S. Lewis betoon.