Polisiemag van Andorra

Die Polisiemag van Andorra (Katalaans: El Cos de Policia d’Andorra) is die nasionale polisie van Andorra. In 2007, het die mag 240 beamptes gehad wat 'n populasie van ongeveer 85 000 dien.

Struktuur

Die Polisiemag bestaan uit die Direktoraat van Polisie, vier afdelings wat die verskeie opdragte van die polisie uitvoer en twee funksionele groepe.

Direktoraat van Polisie

Die direktoraat van Polisie word saamgestel uit 'n direkteur, 'n adjunkdirekteur wat die rang van polisiekommissaris dra, 'n sekretaris, 'n beplannings- en menslike hulpbronne offisier en 'n administratiewe assistent. Dit lei polisie-aktiwiteite regoor die land. Die lede word genomineer deur die regering van Andorra, gebaseer op voorstelle vanaf die Ministerie van Binnelandse Sake.

Afdelings

Daar is vier afdelings met die volgende verantwoordelikhede:

• Die Afdeling van Misdaad Polisie (gelykvormig met die Kriminalpolizei) is in beheer van misdaadondersoeke en opgedeel in twee ondersoekeenhede. Die eerste een, verantwoordelik vir ondersoeke gerig op beide die voorkoming en onderdrukking van misdaad, het afdelings gemoeid met dwelms, huishoudelike geweld, georganiseerde misdaad, algemene sake, jeugdiges, en geldwassery. Die tweede ondersoek misdaad wat onder hul aandag gebring is en is ook verantwoordelik vir sake rakende klimaatverwante ongelukke. Die Nasionale Kantoor van Interpol val ook in hierdie area.

• Die Afdeling vir Nasionale Veiligheid en Nabyheid bestaan uit twee uniformdraende eenhede met die rol van die versekering van totale veiligheid en sekuriteit van inwoners. Die "Eenheid vir Burgerlike Veiligheid" is 'n voetsoolvlak mag daarop gemik om oortredings te voorkom en openbare orde te handhaaf. Die "Eenheid vir Burgerlike Bewustheid," 'n afdeling van die sentrale polisie, beman die Informasiesentrum, beantwoord openbare navrae, koördineer eksterne dienste en oorsien gevangenisdienstoestande.

• Die Afdeling van Polisie-ondersteuning is verantwoordelik vir operasionele ondersteuning aan die ander afdelings, asook die Direktoraat. Dit bestaan uit ses departemente: ontleding van misdaadinligting; wetlike sake; informasietegnologie; opleiding; voorkoming en sosiale oriëntering; en bestuur.

• Die Afdeling van Vervoer en Grense bestaan uit twee uniformdraende eenhede: die Verkeersafdeling (gelykstaande aan deurpadpatrollie, motorfietspatrollies vir die toesig hou oor die gang van voertuie by die nasionale grense en die tussenbeide trede in die geval van ongelukke) en die Grense Eenheid ('n grenswag in beheer van grens-immigrasiebeheer) wat saamwerk met die Departement van Immigrasie.

Groepe

Ses groepe – vir die beskerming van BBP's, bomruiming, ordebeheer, noodgevalle, opleiding van snuffelhonde en bergredding – word opgemaak uit lede van die vier afdelings; word byeengeroep in reaksie op spesifieke behoeftes; en word bygestaan deur kollegas van naburige lande; veral met die saamstel van gesamentlike opleidingsprogramme.

Eksterne skakels

• (ca) Polisiedienste van Andorra

Hierdie artikel is in sy geheel of gedeeltelik vanuit die Engelse Wikipedia vertaal.