Portaal:Biblioteek en Inligtingkunde/Uitgesoekte artikel
'n Koerant is 'n nuusblad, wat daagliks of weekliks uitgegee word en van gebeurtenisse in die politiek, ekonomie, kultuur en sport berig. Dikwels lewer dit eie kommentaar oor geselekteerde nuus en beskik ook oor 'n rubriek met briewe van lesers. Koerante kan die openbare mening mobiliseer en fungeer as 'n belangrike instrument by die handhawing van die meningsvryheid en die demokratiese kontrole van owerhede. Portaal:Biblioteek en Inligtingkunde/Uitgesoekte artikel/3
'n Ensiklopedie is 'n geskrewe versameling van menslike kennis. Die term kom van die Griekse woorde εγκύκλιος παιδεία, enkyklios paideia ("in 'n sirkel van onderrig").
Geskrifte met 'n ensiklopediese omvang is al sedert die vroeë menslike geskiedenis saamgestel, maar die term, ensiklopedie, is eers vanaf die 16de eeu gebruik om daarna te verwys.
Alhoewel onderwerpe in enige ensiklopedie dikwels 'n definiërende beskrywing bevat, kan die aspek van 'n woordeboek - naslaanwerk met 'n alfabetiese lys van woorde of terme en inligting daaromtrent - nie met die ingesteldheid van 'n ensiklopedie verwar word nie. Portaal:Biblioteek en Inligtingkunde/Uitgesoekte artikel/2
'n Woordeboek is 'n naslaanboek waarin die betekenis van die woorde van 'n sekere taal, of 'n sekere aspek van 'n taal, weergegee word. Daar kan tussen verskillende soorte woordeboeke onderskei word:
- Die tweetalige woordeboek of vertalende woordeboek. Die is die oudste soort woordeboek. Hierdie woordeboeke het ten doel om die betekenis van woorde van 'n vreemde taal in 'n taal weer te gee wat die raadpleger verstaan. Reeds in die middeleeue het daar al vele woordeboeke bestaan wat min of meer soos woordelyste opgestel is en ten doel gehad het om mense Latyn te leer. Sedert die einde van die middeleeue het daar ook woordeboeke vir moderne vreemde tale soos Frans en Hoogduits verskyn. Daar is gewoonlik twee dele in sulke woordeboeke: een deel vir die vertaling vanuit die vreemde taal en een deel vir vertaling in die vreemde taal.
- Die verklarende woordeboek. Dit is tans ongetwyfeld die mees geraadpleegde woordeboeksoort. Hierin word 'n groot aantal woorde van die moedertaal van die samesteller aangetref, en die betekenis van elke woord word in dieselfde taal omskryf. Die bekendste Afrikaanse verklarende woordeboek is die Handwoordeboek van die Afrikaanse Taal.
- Die veldgespesialiseerde woordeboek. Die gee nie die woordeskat van 'n taal weer nie, maar slegs die vaktaal van 'n bepaalde groep mense, gewoonlik mense wat dieselfde vak beoefen. Daar bestaan beide verklarende woordeboeke en vertalende woordeboeke in hierdie kategorie.
Portaal:Biblioteek en Inligtingkunde/Uitgesoekte artikel/1
Riglyne
Die kies van 'n artikel
Daar is geen formele nominasie proses om 'n nuwe artikel by te voeg nie.
Stel 'n artikel voor
Voel vry om enige kommentaar te lewer.