Portaal:Katte/Kolkat

Die klein gekolde kat of swartpootwildekat (Felis nigripes) is 'n klein wildekat wat voorkom in Suid-Afrika, Namibië, Botswana en gedeeltelik in Zimbabwe. Die kleur varieer van gelerige kaneelbruin in die suide van die streke waarin hy voorkom tot ligte geelbruin in die noorde met verspreide strepe en kolle. Agter op die nek en rug is vier swart strepe waarvan die buitenste twee afdraai oor die skouers. Dié strepies is dikwels verdeel in korter strepies of kolle. Die stert is kort en om die keel is drie ringe. Dié kat is kleiner as die vaalboskat en die strepe en kolle is duideliker. Die mannetjies (1,5–1,7 kg) is effens swaarder as die wyfies (1–1,4 kg). Lees verder . . .