Prusik-knoop
'n Prusik-knoop word gebruik om die lus van 'n tou om 'n ander te knoop vir bergklim en soortgelyke doeleindes. Die lus gryp die ander tou styf vas as daar 'n las daarop geplaas word, maar kan maklik oor die ander tou rondgeskuif word wanneer daar geen las daarop geplaas is nie.
Die Prusik-knoop is vernoem na die beweerde uitvinder, 'n Oostenryker by name Dr. Karl Prusik. Die knoop is in 1931 gedokumenteer in 'n handleiding vir die bestyging van 'n berg met behulp van 'n tou. Prusik-lusse word dikwels deur bergklimmers vir nooddoeleindes saamgedra, aangesien dit baie lig is. Anders as meganiese toestelle is Prusik-knope minder geneig daartoe om skade aan die hooftou aan te rig. 'n Groot voordeel van Prusik-knope is dat dit in beide rigtings werk.
Prusik-knope werk egter nie op bevrore toue nie aangesien die werking daarvan sterk afhang van die wrywing tussen die lus en die tou.
Eksterne Skakels
wysig| Wikimedia Commons bevat media in verband met Prusik-knoop. |
- Prusik-knoop by OZultimate.com met goeie illustrasies oor hoe om dit te knoop.
- Prusik-knoop gebruik vir Seilvaart vir klim van 'n mas en ander notas.
- Bespreking van nood klimtoerusting - voordele en nadele Geargiveer 14 September 2005 op Wayback Machine
- 'n Diepgaande artikel met goeie illustrasies.
- 'n Wetenskaplike studie van algemene knope
- Die Prusik-knoop The Prusik Knot at Animatedknots.com