Die Pterostigma is 'n sel wat aan die vlerke van insekte voorkom, wat dikwels verdik of gekleur is, en opvallend is. Dit is veral opvallend in naaldekokers en waterjuffers, maar ook in ander insekgroepe, soos raphidioptera, hymenoptera en megaloptera.[1]
Die vlerk van 'n naaldekokerPterostigma van 'n Swerwertjie
Die pterostigma is die swaarste deel van 'n insek se vlerk, en dit verbeter die insek se sweefvermoë. Sonder die pterostigma sal vibrasies teen 'n sekere kritiese spoed op die vlerk plaasvind, wat dit vir die insek onmoontlik sal maak om te sweef. Toetse wat op 'n naaldekokerspesie gedoen is, toon dat met die pterostigma die kritieke sweefsnelheid met 10–25% laat toegeneem.[2]
Sommige waterjufferwyfies in die Calopterygidaefamilie het 'n pseudopterostigma. Dit kom op dieselfde deel van die vlerk as die pterostigma voor, maar word deur are deurkruis en het 'n ligter kleur as die omliggende areas van die vlerk.[3]
↑"Definition of Pterostigma" (in Engels). Amateur Entomologists' Society. Geargiveer vanaf die oorspronklike op 20 Januarie 2020. Besoek op 22 April 2017.
↑Norberg, R. Åke. "The pterostigma of insect wings an inertial regulator of wing pitch". Journal of Comparative Physiology A. 81 (1): 9–22. doi:10.1007/BF00693547.
