Pylvak
Die Pylvak is die laaste reguit deel van 'n ren- of atletiekbaan, veral die gedeelte tussen die laaste draai en die wenpaal.[1] Wanneer 'n persoon in die pylvak is, is hy op sy moegste, maar dan is die einde ook in sig. Ekstra moeite word dan ingesit om die wedloop te voltooi.
Die woord word ook soms metafories gebruik om die einde van 'n lang taak of proses aan te dui, soos die einde van 'n uitgerekte verkiesing, 'n persoon se lewe, ens.
