RAND Korporasie
Die RAND Korporasie is 'n oorspronklike Amerikaanse dinktenk, wat in 1946 deur die Amerikaanse Lugmag gestig is, onder kontrak van die Douglas Aircraft Company. In Mei 1948 word RAND 'n onafhanklikeorganisasie sonder winsoogmerk. Die akroniem RAND is 'n sametrekking van navorsing en ontwikkeling (research and development).
| RAND CORPORATION | |
 | |
| Tipe | Dinkskrum |
|---|---|
| Gestig | 14 Mei 1948 |
| Hoofkantoor | Santa Monica, Kalifornië |
| Webwerf | https://www.rand.org/ |
RAND se navorsing fokus op die ontwikkeling van oplossings vir komplekse probleme deur navorsers uit verskillende akademiese spesialisasies saam te bring en praktiese leiding te gee deur insig te gee in beleidskeuses en belemmerings vir die implementering van die beleid.
Histories het RAND 'n sterk fokus op verdediging. Volgens die jaarverslag van 1994 is twee derde van die navorsing betrokke by die nasionale veiligheid van die VSA: Projek Lugmag, die Arroyo-sentrum (wat vir die Amerikaanse weermag werk) en die Nasionale Verdediging Navorsingsinstituut. In 2004 het die deel van navorsing oor veiligheid en verdediging met die helfte gedaal. Die res van die navorsing fokus hoofsaaklik op gesondheid, maar ook op onderwys, geregtigheid, bevolkingsondersoeke en die internasionale ekonomie.
Geskiedenis
wysigDie Tweede Wêreldoorlog het lig gewerp op die belangrikheid van tegnologiese navorsing en ontwikkeling vir sukses op die slagveld. Dit het ook aandag gevestig op die talle wetenskaplikes en akademici buite die weermag wat hierdie ontwikkelinge moontlik gemaak.
Hierdie besef onder individue in die Amerikaanse Oorlogsdepartement, Kantoor van Wetenskaplike Navorsing en Ontwikkeling en nywerhede het aanleiding gegee tot gesprekvoering ondermekaar oor die behoefte aan 'n private organisasie wat militêre beplanning kan verbind met navorsings- en ontwikkelingsbesluite kan verbind.
Projek Rand
wysig_Page_004-1.jpg)
Op 1 Oktober 1945 het Henry H. Arnold, Edward Bowles, Donald Douglas, Arthur Raymond en Franklin Collbohn mekaar ontmoet om die Projek Rand te vestig.[1] Op 2 Mei 1946 het Projek RAND sy eerste verslag, getiteld Preliminary Design of an Experimental World-Circling Spaceship, vrygestel.[2]
Navorsingsareas
wysigDie RAND Korporasie doen navorsing in ondermeer die volgende area[3]:
- Binnelandse sekuriteit en openbare veiligheid
- Energie en omgewing
- Gesondheid, gesondheidsorg en oudwording
- Infrastruktuur en vervoer
- Internasionale aangeleenthede
- Kinders, gesinne en gemeenskappe
- Kuber- en datawetenskappe
- Nasionale veiligheid en terrorisme
- Opvoeding en geletterdheid
- Reg en sake
- Werkers en die werkplek
- Wetenskap en tegnologie
Verwysings
wysig- ↑ RAND Korporasie. A Brief History of Rand. https://www.rand.org/about/history/a-brief-history-of-rand.html. [Toegang: 17 Januarie 2019]
- ↑ RAND Korporasie. Preliminary Design of an Experimental World-Circling Spaceship .https://www.rand.org/pubs/special_memoranda/SM11827.html. [Toegang: 17 Januarie 2019].
- ↑ RAND Korporasie. Research areas. https://www.rand.org/research.html[Toegang[dooie skakel]: 17 Januarie 2019].
Eksterne skakel
wysig| Wikimedia Commons bevat media in verband met RAND Corporation. |
- Amptelike webwerf
- The Research and Development (RAND) Corporation van die Smithsonian Institution Archives