Ram Barkai
Ram Barkai (geb. 22 Oktober 1957) is ’n Suid-Afrikaanse oopwaterswemmer, bekend vir sy bykans bomenslike vermoë om lang afstande in yswater te swem, byvoorbeeld in die Antarktika en in Siberië, gewoonlik met net ’n speedo, swempet en -bril.[1] Hy word deur sommige as die taaiste swemmer ter wêreld beskou, wat nie skroom om die ysige water van Switserland of die haai-besmette water van Suid-Afrika aan te durf nie.[2]
Ram Barkai | |
|---|---|
| Gebore | 22 Oktober 1957 Kibbutz Maagan, Israel |
| Nasionaliteit | Suid-Afrika |
| Beroep | Oopwaterswemmer |
| Bekend vir | Swem is ysige koue water |
| Kinders | 4 |
Barkai is in Israel gebore en emigreer in 1966 na Suid-Afrika, waar hy aan oopwaterswem blootgestel is. Hy hou talle wêreldrekords en het in verskeie TV-programme verskyn, insluitend die dokumentêr Stan Lee's Superhumans.[3][4] Hy is ook die stigter van die Internasionale Ys-swem Assosiasie.[5]
Barkai het nege jaar in die Israeliese Weermag gedien.[6] Van 2005 tot 2012 was hy die hoof uitvoerende beampte en 'n direkteur van die maatskappy Cadiz Holdings Limited.[7][8][9] Hy woon tans in Kaapstad en het vier kinders.[2]
Plekke geswem
wysigBarkai het al reg oor die wêreld geswem, insluitend:
- Na Robbeneiland – 17 keer.
- Kanaal van Rottnest-eiland – naakte solo-kategorie.
- Om Kaappunt – saam met Andrew Chin, eerste mense om dit te doen.
- Om die Kaapse Skiereiland – 100 km aflos.
- Oor die Meer van Tiberias – 10 km breed, 22 km lank.
- Antarktika – 1 km teen 1°C by 70 grade suid – 'n Guinness-wêreldrekord (2008).
- Meer van Zürich – 2,3 km teen 4°C.
- Deel van span van 6 wat die lengte van die Oranjerivier geswem het (2000 km).
- Om Pennock-eiland, Alaska – 14 km.
- Straat van Magellaan en deel van 'n span van 5 Suid-Afrikaners wat die eerste keer ooit om Kaap Hoorn geswem het.
- Tjoemen, Siberië – 1 km teen 0°C en 1.5 km teen 0°C, lugtemperatuur -33°C.
- Moermansk, Rusland – 1 myl teen 0°C.
- Deel van 'n internasionale aflosspan wat oor twee breedtes van die Beringstraat geswem het – 134 km, water 2°C-8°C.
- Neko-hawe, Antarktika – 1.2 km in water van -1°C.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ 2,0 2,1 Nevitt, Lisa. "Ram Barkai interview". Cape Town Magazine (in Engels). Geargiveer vanaf die oorspronklike op 22 April 2019. Besoek op 27 Oktober 2012.
- ↑ "SAfrican swims icy loch". Voice of the Cape. Besoek op 27 Oktober 2012.
- ↑ "Bird Man". Stan Lee's Superhumans (History). No. 14, season 2.
- ↑ "Ice swimmer Ram Barkai takes on the Bering Strait" (in Engels). Speedo. Geargiveer vanaf die oorspronklike op 30 Desember 2013. Besoek op 27 Oktober 2012.
- ↑ Ram Barkai. "About". rambarkai.com. Geargiveer vanaf die oorspronklike op 1 Februarie 2013. Besoek op 27 Oktober 2012.
- ↑ "Cadiz holdings ltd (CDZ:Johannesburg) Ram Barkai: Executive Profile". Bloomberg Businessweek. Besoek op 27 Oktober 2012.
- ↑ Alec Hogg (31 Mei 2010). "Cadiz Holdings annual results: Ram Barkai – CEO, Cadiz Holdings". Money Web. Besoek op 27 Oktober 2012.
- ↑ "Ram Barkai: An interview with a 21st Century Conscious Leader who Pushes Possibilities". Centre for Conscious Leadership. Besoek op 27 Oktober 2012.