Razia Sultan
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Jalâlat ud-Dîn Raziyâ (Oerdoe/Persies: جلالۃ الدین رضیہ; Delhi, ±1205 - Kaitahl, 13 Oktober 1240) beter bekend onder die naam Razia Sultan was van 1236 tot Mei 1240 die sultan (koningin) van die Sultanaat (Koningryk) van Delhi in Indië. Sy was die eerste vroulike leier van die Sultanaat van Dehli sowel as die eerste vroulike heerser van Indië.[1][2]
| Raziya Sultana | |
|---|---|
| Sultan van Delhi | |
| |
| Graf van Razia Sultan in Bulbul-i-Khan naby Turkman Gate, Delhi | |
| Dinastie | Mameluk |
| Bewind | 10 November 1236 – 13 Oktober 1240 |
| Kroning | 1236 |
| Gebore | 1206 |
| Budaun, Indië | |
| Gesterf | 13 Oktober 1240 (op 35) |
| Delhi, Indië | |
| Bulbul-i-Khan naby Turkman Gate, Delhi | |
| Voorganger | Rukn ud din Firuz |
| Opvolger | Muiz ud din Bahram |
| Gade | Malik Altunia |
| Kinders | Zubrudin Mirza Rashil (1237–38); aangenome seun |
| Vader | Iltutmish |
| Moeder | Qutub Begum |
Lewensloop
wysig
Razia al-Din is in 1206 in Budaun, Indië gebore. Sy was die dogter van Delhi se sultan Shams-ud-din Iltutmish en sultana Qutub Begum.
Razia se vader, Iltutmish was die eerste sultan wat 'n vrou as sy opvolger benoem het, maar die Turks-Persiese elite van Delhi het nie Iltutmish se besluit aanvaar nie. Delhi se keiserlike hof het Razia se broer, Rukn-ud-din Firuz as die opvolger van Iltutmish aangestel. Firuz het die sy keiserlike verantwoordelikhede geïgnoreer en daarom het sy moeder, Sjah Turkaan die keiserlike sake van Delhi behandel. Op 9 November 1236 is 'n sluipmoordaanslag op Firuz en sy moeder uitgevoer, na ses maande aan bewind is die twee deur sluipmoordenaars doodgemaak.
Na die insident het Delhi se keiserlike hof Razia al-Din as die nuwe sultan aangestel. Sy "het die sluier verlaat en 'n manlike drag aangeneem". Sy was 'n doeltreffende leier en sy het al die eienskappe van 'n monarg besit. Volgens Minhaj-i-Siraj was sy "intelligent, weldoende, 'n beskermheer van die geleerde, 'n redder van geregtigheid, 'n heer van haar onderdane, van oorlogsugtige talent, en met al die voortreflike eienskappe en kwalifikasies wat vir 'n heerser nodig is.
Razia is ook beroemd vir haar romantiese verhouding met die goewerneur van Bathinda, en later haar man, Malik Ikhtiar-ud-din Altunia.[3]
Nadat sommige goewerneurs en die elite 'n sameswering teen Razia en Malik Altunia uitgevoer het, is Razia se ander broeder, Muiz-ud-din Bahram Shah as die sultan van Delhi aangestel. Razia al-Din en Malik Ikhtiar-ud-din Altunia is uit Delhi weggejaag en by Kaitahl word hulle op 25 van Rabi' al-awwal A.H. 638 deur die Jat-bandiete beroof en vermoor.[4]
Verwysings
wysig- ↑ Table of Delhi Kings: Muazzi Slave King The Imperial Gazetteer of India, 1909, v. 2, bl. 368.
- ↑ O’Brien, Derek. Derek Introduces: 100 Iconic Indians. Rupa Publications. ISBN 8129134136.
- ↑ Sen, Sailendra (2013). A Textbook of Medieval Indian History. Primus Books. pp. 74–76. ISBN 978-9-38060-734-4.
- ↑ Razia Sultan Geargiveer 4 Maart 2016 op Wayback Machine The History of India, as Told by Its Own Historians. The Muhammadan Period, 1867–1877.
