Rehabilitasie (Sowjetunie)

Rehabilitasie (Russies: реабилитация, reabilitatsija) is 'n term wat in verband met die voormalige Sowjetunie en oud-Sowjetstate gebruik is. Ná die dood van Josef Stalin in 1953 het die regering die politieke en sosiale herstel, of politieke rehabilitasie, van mense onderneem wat sonder voldoende rede onderdruk en vervolg is. Daarmee is iemand vrygespreek van enige skuld. In baie gevalle was rehabilitasie nadoods, want duisende slagoffers is tereggestel of het in strafkampe gesterf.

'n Rehabilitasiesertifikaat wat lui: "...en die saak is gesluit weens gebrek aan corpus delicti... rehabilitasie nadoods".

Regerings het ook verskeie minderheidsgroepe gerehabiliteer wat onder Stalin na ander woonplekke gestuur is, en hulle is toegelaat om na hulle voormalige woongebiede terug te keer. In sommige gevalle is die outonomie van hulle streke herstel.

Skakels

• Hierdie artikel is in sy geheel of gedeeltelik uit die Engelse Wikipedia vertaal.