Rekenaargrafika
Rekenaargrafika is 'n dissipline van rekenaarwetenskap wat handel oor die vertoon van beelde met behulp van rekenaars.
Dit sluit aan die een kant die voorstelling van meetkundige inligting in rekenaargeheue, die sogenaamde geometriese modellering, en andersyds die omskakeling van hierdie meetkundige modelle in beelde, die sogenaamde weergawe, in.
Geskiedenis wysig
Die wêreld van rekenaargrafika is amper so oud soos die rekenaar self. Vroeë rekenaars het 'n skerm gehad waar die beweging van die elektronstraal deur die rekenaar beheer is. Lyntekeninge kon gemaak word deur die elektronstraal herhaaldelik oor 'n sekere trajek te beweeg.
Ook 'n ou metode gebruik om lyntekeninge gedruk te kry, was deur 'n plotter, waar 'n merker oor 'n vel papier geskuif word.
Die oorskakeling is gou gemaak na moderne skermtegnologie, waarin die elektronstraal herhaaldelik langs 'n aantal beeldlyne afloop. Sedert daardie tyd beheer videoskyfies in rekenaars die beeld wat gegenereer word.
Die mees triviale implementering hiervan is 'n sogenaamde raambuffer. Dit is 'n tweedimensionele matriks wat kleurinligting vir elke pieksel bevat. In die vroeë dae van rekenaarwetenskap was rekenaargeheu egter dikwels te klein vir volwaardige raambuffers en meer komplekse stelsels is gebruik. Vandag is die VGA-teksmodus steeds 'n herinnering hieraan. Dit is 'n matriks wat die skerm in 80 by 25 bokse verdeel, waar elke blokkie 'n karakter bevat. Tegnieke soos hierdie kan die hoeveelheid skermgeheue wat benodig word tot 'n paar kilogrepe verminder.
In die 1970's, maar veral in die 1980's, is daar oorgeskakel na eenvoudiger raambuffers as gevolg van die veel groter buigsaamheid daarvan. Dit is hier waar rekenaargrafika werklik posgevat het omdat die tegnologie veel minder verhoed het wat op die skerm geplaas kon word. Dit was nou moontlik om datastrukture vir meetkundige inligting en die weergawe daarvan te ontwerp.
Die musiekvideo vir die liedjie Money for Nothing was een van die eerstes wat in 1985 met geanimeerde rekenaargrafika gemaak is.[1][2][3][4][5][6][7]
Verwysings wysig
- ↑ "geometryprocessing.org". geometryprocessing.org. Besoek op 1 Mei 2014.
- ↑ [1] Geargiveer 14 Maart 2007 op Wayback Machine
- ↑ "High Performance Graphics". highperformancegraphics.org.
- ↑ "Best Practices Memo". Cra.org. Geargiveer vanaf die oorspronklike op 2 Mei 2014. Besoek op 1 Mei 2014.
- ↑ "Choosing a venue: conference or journal?". People.csail.mit.edu. Besoek op 1 Mei 2014.
- ↑ "Graphics/vision publications acceptance rates statistics". vrlab.epfl.ch. Besoek op 1 Mei 2014.
- ↑ An extensive history of computer graphics can be found at this page Geargiveer 5 April 2007 op Wayback Machine.