Relais et Châteaux

Relais et Châteaux is 'n internasionale vereniging van privaat luukse hotelle en restaurante. Die groep het tans 453 lede in 50 lande en is op al vyf vastelande verteenwoordig.

Relais & Châteaux
Tipe
Gestig
Hoofkantoor

Die groep is in Frankryk gestig en staan bekend vir sy streng voorwaardes van lidmaatskap. In hotelle en restaurante, wat by die vereniging wil aansluit, moet daar naas die gewone kenmerke van 'n luukse hotel of restaurant ook 'n unieke atmosfeer heers, waardeur hulle 'n verskil kan maak in vergelyking met kettinghotelle. Die meeste Relais et Château-hotelle en -restaurante is gevestig in historiese kastele, herehuise of statige stadhuise en beskik oor eersterangse restaurante.

Relais et Châteaux se leuse, wat ook die voorwaardes van lidmaatskap en die maatstaf vir kwaliteitskontroles opsom, is die "vyf C's": Caractère (karakter), Courtoisie (beleefdheid), Calme (rustigheid), Charme (sjarme) en Cuisine (kookkuns).

Eksterne skakels wysig

Die webwerf van Relais et Châteaux