Religieuse pluralisme

Religieuse pluralisme is 'n houding of beleid gemik op die saambestaan van diverse religieuse geloofstelsels. Dit kan een van die volgende beteken:

• Die naam van 'n wêreldaanskouing waarvolgens mens se geloof nie die enigste en uitsluitlike bron van waarheid is nie, en dus die aanvaarding dat ten minste sommige waarhede en geldige waardes in ander gelowe kan bestaan.
• As aanvaarding van die konsep dat twee of meer gelowe met onderling uitsluitlike aansprake op die waarheid ewe geldig is. Dit kan gesien word as 'n vorm van religieuse toleransie, (a konsep wat vanuit die Europese geloofsoorloë stam) of as morele relatiewisme.
• Die begrip dat die onderling uitsluitlike aansprake van verskillende gelowe, van nader betrag, slegs variasies is van universele waarhede wat sedert die vroegste tye al geleer is. Hierdie word Perennialisme (gebaseer op die konsep van philosophia perennis) genoem.
• Soms as 'n sinoniem vir ekumenisme, die promovering van 'n mate van samewerking en 'n beter begrip tussen verskillende gelowe of verskillende denominasies binne in 'n religieuse geloof.
• As term vir die toestand van harmonieuse saambestaan tussen lidmate van verskillende gelowe of religieuse denominasies.

'n Katolieke kerk, Moskee en Serwiese Ortodokse Kerk in Bosanka Krupa, Bosnië en Herzegowina.

Die kruis van die oorlogsgedenkteken en 'n menorah kom albei voor by die noordelike end van St Giles' in Oxford, Engeland.

Wêreldwye "biddag vir vrede" in Assisi.