Rich Froning
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Rich Froning junior (gebore 21 Julie 1987) is ’n professionele Amerikaanse CrossFit-atleet van Cookeville, Tennessee. Hy is die eerste man ter wêreld wat die CrossFit Spele vier keer (2011, 2012, 2013 en 2014) agtereenvolgens gewen het. Ná sy uittrede uit die individuele kompetesie in 2015, het hy voortgegaan om die spankompetisie in 2015, 2016 en in 2018 saam met sy CrossFit Mayhem-atlete te wen.
Die 31-jarige Froning het na raming reeds $ 1, 050, 000 se prysgeld met sy CrossFit-seges ingepalm, terwyl hy ook borgskappe van Reebok, Oakley en Rogue Fitness geniet.
Vroeë lewe wysig
Froning is in Mount Clemens, Michigan gebore, maar sy gesin het kort daarna na Cookeville getrek. Op skool was ’n kranige sportman en hy het met ’n bofbalsportbeurs aan die Walters State Community College studeer. Hy het egter sy belowende bofballoopbaan een kant toe geskuif om as brandweerman by die Cookeville Brandweerstasie te begin werk.
CrossFit Spele wysig
Froning het sy debuut by die CrossFit Spele in 2010 gemaak, waar hy tweede agter Graham Holmberg klaargemaak het. Froning het vir ’n groot gedeelte van die kampioenskap voorgeloop, maar sy touklimvaardighede het hom in die steek gelaat en vir Holmberg die opening gegee waarvoor hy gewag het.
In die daaropvolgende jaar was Froning weer ’n krag waarmee daar rekening gehou moet word en hy het die kampioenskap nie net in dié jaar gewen nie, maar ook in 2012, 2013 en in 2014. Van 2012 – 2014 het hy nie net die Spele gewen nie, maar hy het ook die voorafgaande Ope en Streekskampioenskap gewen.
In 2015 het hy uit die individuele kompetisie getree om saam met sy CrossFit Mayhem-atlete aan die spantoernooie deel te neem. Mayhem het terstond die spankompetisie in 2015, 2016 en in 2018 gewen, terwyl hulle in 2017 die silwer medalje ingepalm het.
Froning se vertonings by die CrossFit Spele wysig
- 2010: Tweede (individuele kompetisie)
- 2011: Eerste (individuele kompetisie)
- 2013: Eerste (individuele kompetisie)
- 2014: Eerste (individuele kompetisie)
- 2015: Eerste (spankompetisie saam met CrossFit Mayhem)
- 2016: Eerste (spankompetisie saam met CrossFit Mayhem)
- 2017: Tweede (spankompetisie saam met CrossFit Mayhem)
- 2018: Eerste (spankompetisie saam met CrossFit Mayhem)
Eksterne skakels wysig
Wikimedia Commons het meer media in die kategorie Rich Froning.
