Rooibloedsel
'n Rooibloedsel is die mees algemene soort bloedsel, ook bekend as 'n eritrosiet (Grieks erythros = rooi + kytos = hol). Dit is nie 'n egte sel nie, omdat dit nie 'n kern bevat nie, maar dit sirkuleer wel in die bloed. Hierdie selle se belang lê daarin om suurstof van die longe van 'n mens/soogdier aan die liggaamselle te lewer via die bloed.
Die rooi kleur is afkomstig van die hemoglobien in die sel, wat 'n ysterbevattende proteïenmolekuul is wat suurstofmolekule kan bind in 'n suurstofryke omgewing en weer kan loslaat in 'n suurstofarme omgewing.
Mans het ongeveer 5 miljoen rooi bloedliggaampies per milliliter bloed, terwyl daar ongeveer 4800000 rooi bloedliggaampies per milliliter in 'n vrou se bloed is. Die suurstofdraende kapasiteit van die bloed word deur die aantal rooi bloedliggaampies bepaal.
Die leeftyd van 'n rooibloedsel is ongeveer 120 dae. Dit maak tot 99% uit van selle in die bloed. Die ander is witbloedselle en bloedplaatjies. Siektes wat die rooibloedselle betrek sluit in malaria asook sekelselsiekte en talassemie.
Bronne
wysig- Wêreldspektrum, Vol. 3, 104-108, ISBN 0 908409 44 3
| Hierdie artikel is in sy geheel of gedeeltelik vanuit die Nederlandse Wikipedia vertaal. |
| Hierdie artikel is in sy geheel of gedeeltelik vanuit die Engelse Wikipedia vertaal. |