Royal Opera House

Die Royal Opera House is 'n operahuis en sentrum vir uitvoerende kunste in Covent Garden in Sentraal-Londen. Dikwels word na die groot gebou net as Covent Garden verwys aangesien die perseel voor die oprigting van die operahuis in 1732 as park gebruik is.

Royal Opera House
Die Royal Opera House, met Enzo Plazzotta se standbeeld Young Dancer in die voorgrond
Adres	Bow Street
Stad	City of Westminster, Londen
Land	Verenigde Koninkryk
Opgerig	1858 / 1990's
Sitplekke	2 256
Webtuiste	www.roh.org.uk

Die Royal Opera House is die tuiste van die koninklike opera- (The Royal Opera) en balletgeselskap (The Royal Ballet) asook 'n orkes, die Orchestra of the Royal Opera House. Die teater, wat oorspronklik as die Theatre Royal bekend gestaan het, het in die eerste honderd jaar van sy bestaan hoofsaaklik as skouburg gedien. In 1734 is die eerste balletopvoering aangebied, en 'n jaar later het Händel se eerste operaseisoen begin. Baie van die komponis se operas en oratoria is spesifiek geskryf om hier opgevoer te word, en so is ook die premières van Händel-werke in die teater gehou.

Die huidige operahuis is al die derde teater op die perseel nadat vroeëre geboue in 1808 en 1857 in verwoestende brande vernietig is. Die fasade, voorsaal en ouditorium dateer uit 1858, maar byna alle ander elemente van die huidige teaterkompleks is eers so onlangs soos die 1990's tydens uitgebreide restourasiewerk bygevoeg. Die operahuis bied sitplekke vir 2 256 toeskouers in vier rye met losies en balkonne en in die amfiteater-ry. Die proscenium is 12,2 m wyd en 14,8 m hoog.

Eksterne skakels

• Wikimedia Commons het meer media in die kategorie Royal Opera House.
• (en) Amptelike webwerf