Die Extravehicular Mobility Unit (EMU) word sedert 1981 gebruik; en word vandag steeds deur ruimtevaarders op die Internasionale Ruimtestasie gedra. Dit is baie swaar, op aarde weeg die pak 178 kg.

EMU-wandelpak.

Ruimtevaarders wat die pak dra moet ’n uur lank wag sodat hul liggaam aan die druk en suiwer suurstof gewoond kan raak. Dit neem 45 minute om die pak aan te trek.

Die pak bestaan uit wysig

  1. Onderklere
  2. Harde bolyfstuk
  3. Armstukke
  4. Handskoene
  5. Sagte onderlyfstuk
  6. Helm-en-skermstuk
  7. Hoof-lewensondersteuningspak

Waaruit bestaan die pak se materiaal wysig

Die pak bestaan uit 13 verskillende lae wat onder andere twee lae ingeboude pypies insluit waardeur daar water sirkuleer om die ruimtevaarder se lyf koel te hou.

Daar is ’n drukkledingstuk van twee lae wat sorg dat die pak met lug gevul is, terwyl die verwarmde kledingstuk van agt lae toesien dat hy/sy teen ruimtestof en ander voorwerpe beskerm word. Laastens is daar ’n waterdigte en brandbestande buitelaag.

Die EMU se rugsak wysig

 
Die rugsak wat lewe ondersteun.

Dit is ’n rugsak wat lewe ondersteun. Dit bevat onder andere ’n sekondêre suurstoftenk wat ’n halfuur se noodsuurstofvoorraad hou.

Dit sluit verder ’n watertenk (vir die verkoelingstelsel), ’n radio (vir kommunikasie-doeleindes), ’n battery (vir elektriese krag) en die primêre suurstoftenk (suiwer suurstof vir sewe ure) in.

Interessante feite wysig

Die EMU is wit omdat dié kleur help om die son se hitte te weerkaats. In die ruimte kan die temperatuur in direkte sonlig tot 135 grade Celsius styg.

Die ruimtevaarders dra ook spesiale "doeke", Maximum Absorbency Garment (MAG) genoem, Hulle dra dit tydens lansering, landing en op hul ruimtewandelings.

Die pak van die toekoms wysig

Nasa se Z-2-pak word tans ontwikkel en is ontwerp om ruimtevaarders op Mars, die maan en dalk ander planete by te staan. Die pak se verbeterde skerm maak dit vir ruimtevaarders moontlik om beter te sien, terwyl ander verstellings (soos die ingangsluik, die lewensondersteuningstelsel en die verbeterde toegang tot die pak) vir ’n moderne en meer gerieflike toestel sorg.

 
Ruimtevaarders kan in die ruimte rondwandel te danke aan dié ruimtepakke.