Ruiterpad

'n Ruiterpad is 'n spesiale grondpad waarop ruiters met hulle perde kan ry. So 'n pad is gewoonlik van ander paaie verwyder, sodat ruiters hulle nie oor verkeer of ander padgebruikers hoef te bekommer nie, en ruiters ook nie motorvoertuie ophou nie.

Bordjie wat 'n ruiterpad aandui

'n Ruiterpad in Hillingdon, Groter Londen

Ruiterpad in Engeland

In geïndustrialiseerde lande word ruiterpaaie hoofsaaklik vir ontspanning aangewend. Hulle bly egter belangrike vervoerroetes in landelike en onherbergsame gebiede. Sulke roetes word, byvoorbeeld, steeds in Lesotho gebruik om tussen dorpe te reis.

Hedendaagse ruiterpaaie word gewoonlik met 'n bordjie aangedui en is meestal slegs vir berede perde toeganklik. Ter beskerming van die ruiters en hul diere, word fietse en stappers meestal nie op hierdie roetes toegelaat nie. Sommige ruiterpaaie is smal, terwyl ander heelwat breër is. Die breër ruiterpaaie word soms ook vir perdekarre gebruik.

Fotogalery

• 
  'n Ruiterpad in Nederland
• 
  Einde van 'n ruiterpad in Nederland
• 
  'n Ruiterpad in Duitsland
• 
  Aanduiding van 'n ruiterpad
• 
  Ruiterpad in Swede
• 
  Aanduiding in Pole

Eksterne skakels

• Die ruiterpadvereniging Geargiveer 7 Oktober 2015 op Wayback Machine
• Wikimedia Commons het meer media in die kategorie Ruiterpad.
• Wikiwoordeboek het 'n inskrywing vir ruiterpad.