Rumatiekkoors
Rumatiekkoors (Engels: Rheumatic fever (RF)) is 'n inflammatoriese siekte wat die hart, gewrigte, vel en brein aantas. Rumatiekkoors tree gewoonlik in nadat 'n keelinfeksie wat deur die bakterie Streptococcus pyogenes veroorsaak is, verwaarloos word. Dit gebeur net met sowat drie persent van mense wat strepkeel opdoen.
| Rumatiekkoors | ||
| Klassifikasie en eksterne bronne | ||
| ||
| Die bakterie Streptococcus pyogenes wat rumatiekkoors aktiveer | ||
 Mediese waarskuwing
|
Simptome wysig
Die kenmerkendste simptoom van rumatiekkoors is artritis, of gewrigsontsteking.
Skade wysig
'n Ernstige aanval veroorsaak ontsteking van al die hartweefsels en dit kan tot die ongeneeslike beskadiging van die hartspiere en die hartkleppe lei.
Behandeling wysig
Die eens gevreesde siekte word vandag onder andere met 'n alledaagse geneesmiddel bestry. In die tweede helfte van die 19de eeu is die pynstillende effek van asetielsalisielsuur, beter bekend as aspirien, ontdek. Die Duitse farmakoloog, Hermann Dresser, het vanaf 1893 asetielsalisielsuur onder die handelsnaam Aspirien verkoop. Vir die stryd teen rumatiekkoors was hierdie middel van die allergrootste belang.
Aspirien in genoegsame dosisse toegedien, bring die pasiënt se koors vinnig af, verminder die swelling van die gewrigte en verlig die pyn.
Kortisoon word ook soms toegedien in 'n poging om die inflammasie van die hart te verminder en sodoende die skade aan die hartkleppe te beperk.
Sien ook wysig
Bronnelys wysig
- KENNIS, vol 9, 1980, bl. 1790, ISBN 0 7981 0828 2
