Wikipedia

Russisches Haus der Wissenschaft und Kultur

Die Russisches Haus der Wissenschaft und Kultur (kort: Russisches Haus of RHWK; «Russiese Huis van Wetenskap en Kultuuur», Russies: Российский дом науки и культуры в Берлине, kort РДНК) is 'n kulturele sentrum in die middestad van Berlyn, geleë in Friedrichstraße 176-179. Dit is amptelik op 5 Julie 1984 in die destydse Oos-Berlyn geopen as Haus der Sowjetischen Wissenschaft und Kultur («Huis van Sowjetse Wetenskap en Kultuur») en is vandag steeds die wêreld se grootste kulturele sentrum wat deur enige staat in 'n vreemde land opgerig is, met jaarliks sowat 200 000 besoekers.

Die ingangsportaal in 2009
Hierdie foto is kort ná die amptelike opening geneem. Die gebou van 20 000 vierkante meter het fees- en konsertsale, biblioteke, uitstallingsruimtes, 'n filmoteek (rolprentteater), taalkabinette (vir deelnemers aan Russies-taalkursusse) en 'n inligtingsentrum oor die Sowjetunie gehuisves. Alle geriewe bestaan steeds

Ná die ontbinding van die Sowjetunie is die sentrum in staatsbesit van die Russiese Federasie en speel 'n belangrike rol in die wedersydse kulturele en wetenskaplike betrekkinge tussen die Federasie en Duitsland - 'n land met 'n beraamde Russiessprekende bevolking van 4,5 miljoen. Dit word bestuur deur die federale Russiese agentskap Rossotroednitsjestwo. Die huidige leier is Pawel Iswolski.

Uitstallings in 2020

wysig

Uitstallings uitgestel tot verdere kennisgewing.

Eksterne skakels

wysig
Wiki-webtuistes
Amptelike webtuistes
Ontsluit van "https://af.wikipedia.org/w/index.php?title=Russisches_Haus_der_Wissenschaft_und_Kultur&oldid=2176213"