Maak hoofkeuseskerm oop

Die Ryukyu-tale (琉球語派 Ryūkyū-goha, ook 琉球諸語 Ryūkyū-shogo of しまくとぅば Shima kutuba, letterlik: "eilandspraak") is 'n taalfamilie wat uit 11 tale bestaan en deur sowat 1 miljoen mense op die Ryukyu-eilande gepraat word. Dié taalfamilie bestaan uit twee groepe, naamlik die Noord-Ryukyu-tale en die Suid-Ryukyu-tale.[1] Die Ryukyu-tale vorm saam met Japannees die Japannese tale.

Ryukyu-tale
Geografiese
verspreiding:
Ryukyu-eilande
Genetiese
klassifikasie
:
Altaïese tale
 Japannese tale
  Ryukyu-tale
Onderafdelings:
Noord-Ryukyu
Suid-Ryukyu
Boundaries of the Okinawan Languages.svg

Verspreiding van Ryukyu-tale:

   Noord-Ryukyu-tale

   Suid-Ryukyu-tale

Die grootste tale (volgens moedertaalsprekers) is: Okinawa-Amami (900 000) en Sakisjima (100 000). Die Ryukyu-tale word nes die verwante Japannees met die Japannese skryfstelsel, bestaande uit Kanji, Hiragana en Katakana, geskryf.

Die Ryukyu-tale word deur sommige taalkundiges as dialekte van Japannees beskou wat darem saam net as een Japannese taal gegroepeer word. Ander taalkundiges sien egter groter verskille tussen die Ryukyu-tale en Japannees wat nie hierdie groepering regverdig nie. Hulle argumenteer dat Japannees en die Ryukyu-tale nie onderling verstaanbaar is nie. Net die genetiese verwantskap tussen albei takke is 'n algemene konsensus.

Van die Ryukyu-tale is as gevolg van die taalverskuiwing na Japannees ernstig bedreigde tale; Unesco lys vier van die tale as "beslis bedreig" en twee ander as "ernstig bedreig".[2]

VerwysingsWysig

  1. (en) Hammarström, Harald; Forkel, Robert; Haspelmath, Martin (2017). "Ryukyuan". Glottolog 3.0. Jena, Duitsland: Max Planck Institute for the Science of Human History. Besoek op 24 November 2018. 
  2. (en) "UNESCO Atlas of the World's Languages in danger". Unesco. Besoek op 24 November 2018. 

Verdere leesstofWysig

  • (en) Shimabukuro, Moriyo. (2007). The Accentual History of the Japanese and Ryukyuan Languages: a Reconstruction. London: Global Oriental. ISBN 9781901903638; OCLC 149189163

Eksterne skakelsWysig