Solaris (bedryfstelsel)

Solaris (of SunOS) is 'n Unix bedryfstelsel wat deur SUN Microsystems ontwikkel en versprei word.

Solaris

'n Solaris werkskerm.
Webwerf:	www.sun.com/software/solaris
Maatskappy/ ontwikkelaar:	SUN Microsystems
Bedryfstelsel-familie:	Unix
Jongste stabiele uitgawe:	10 / 31 Januarie 2005
Platforms wat ondersteun word:	X86 en SPARC

Geskiedenis

In die vroeë 90s het die groeiende internet en groeiende SUN SPARC-gebaseerde hardeware in kombinasie met die Solaris-bedryfstelsel vinnig gegroei tot die mees gebruikte platform vir webbedieners.

Ouder weergawes van SUN se bestuurstelsel, gebaseer op BSD Unix, word SunOS genoem. Met die oorskakeling na 'n System V Unix in SunOS 5 word die bedryfstelsel herdoop na Solaris 2, en ouer weergawes word oorgenommer na Solaris 1.x. Na weergawe 2.6 het SUN die 2 in die weergawenommer uitgehaal. Die mees onlangse weergawes is Solaris 7, die 64-bis Solaris 8, Solaris 9 (vrygestel op 22 Mei 2002) en Solaris 10 (vrygestel op 1 Februarie 2005).

Huidige weergawes van Solaris word nie meer slegs vir SPARC-sisteme vervaardig nie, maar ook vir sisteme wat op die Intel X86-argitektuur gebaseer is. Solaris is ook na die PowerPC-argitektuur oorgedra, maar die weergawe is nooit op die mark gebring nie.

Solaris moes oor die jare op vele terreine terugstaan vir oopbron UNIX-sisteme. In 2004 het SUN sy oopbron-strategie aangepas en ook 'n oopbron weergawe genaamd OpenSolaris beskikbaar gestel.

Kenmerke

Die Solaris "Operating Environment" bestaan uit 'n Unix-basis (nog steeds SunOS genoem) en 'n grafiese gebruikerskoppelvlak. Ouer weergawes van Solaris gebruik OpenWindows hiervoor, opgevolg deur CDE in Solaris 2.6. Vanaf Solaris 9 is daar 'n keuse tussen CDE en die nuwe Java Desktop System, gebaseer op GNOME.

Die basiese werking van Solaris kan vergelyk word met die van bekende oopbron Unix-klone soos Linux en FreeBSD. Omtrent alle Unix-sagteware is ook beskikbaar vir Solaris. Hierdie sagteware word geïnstalleer deur Solaris pakette (.pkg-agtervoegsel). SUN se Java programmeertaal word ook saam met Solaris versprei.

Solaris se fokus is meer op kragtige beheerfunksies. Die bedryfstelsel bevat 'n "Service Management Framework" (SMF) wat dienste bewaak en beheer. Uniek vir Solaris is DTrace, wat dit moontlik maak om die bedryfstelselkern en gebruiker-prosesse meer akkuraat te ontfout en te optimaliseer. 'n Verdere belangrike kenmerk van Solaris is die sogenaamde "zones", waardeur meer as een virtuele Solaris-bedieners op 'n rekenaar geloop kan word sonder om werkverrigting in te boet.

Lisensie

Alhoewel Solaris onder andere op 'n aantal oop standaarde gebaseer is, bly dit SUN se eiendomssagteware (proprietary software). Binêre weergawes word wel kosteloos beskikbaar bestel. SUN is besig, met 'n OpenSolaris-inisiatief, om 'n oopbron weergawe te maak. OpenSolaris word gelisensieer onder die "Common Development and Distribution License (CDDL)". Die plan is om toekomstige weergawes van Solaris op OpenSolaris te baseer.

Eksterne skakels

• SUN Microsystems
• OpenSolaris Geargiveer 28 Augustus 2008 op Wayback Machine
• DTrace^{[dooie skakel]}