Schlosshotel Kronberg
Schlosshotel Kronberg
Kronberg im Taunus, Hesse
Duitsland
Geopen in
Standaardkamers
14
Superior-kamers
23
Deluxe-kamers
14
Suites
9
Geriewe
Restourant, kroeg, Victoria Lounge, Beauty Cottage, gholfbaan
Kategorie
Webtuiste
Schlosshotel Kronberg
Die Schlosshotel Kronberg (oorspronklik bekend as Schloss Friedrichshof) is 'n luukse hotel in Kronberg im Taunus in die Duitse deelstaat Hesse. Die vyfster-landhotel is in 'n park met 'n aangrensende gholfbaan in die Taunus-bergreeks naby Frankfurt am Main geleë en veral gewild by gholfspelers, fynproewers en kunsliefhebbers.
Die Schlosshotel Kronberg is in besit van die landgraaf en die prinse van Hesse en het sy deure in 1954 as Grand Hotel geopen. Die kasteel is oorspronklik in opdrag van Viktoria, die weduwee van keiser Friedrich en moeder van die laaste Duitse keiser Wilhelm II, gebou en in 1893 voltooi. Vandag word dit by die indrukwekkendste kastele in Duitsland gereken, onder meer vanweë sy eksklusiewe meubilering en sy versameling van antiekhede en skilderye uit die privaatbesit van Viktoria wat die outentieke indruk van 'n kasteel uit die Wilhelminiese tydperk skep.