Sentrale Kus (Nieu-Suid-Wallis)

Die Sentrale Kus (Engels: Central Coast) is 'n buitestedelike streek in Nieu-Suid-Wallis, Australië. Dit strek oor die gebied suid van Newcastle en noord van Sydney. Die Sentrale Kus is die derde mees bevolkte streek in Nieu-Suid-Wallis.

Uitsig oor Uminastrand en Ettalongstrand vanaf Ettalongpunt.

Die belangrikste voorstad van die Sentrale Kus is Gosford. Ander groot voorstede van die Sentrale Kus sluit Wyong, Terrigal, Woy Woy en The Entrance in.

Die Sentrale Kus is verenig onder een plaaslike regeringsgebied, die Sentrale Kusraad, wat die derde mees bevolkte plaaslike regeringsgebied in Nieu-Suid-Wallis is en die agtste mees bevolkte in Australië.