Silwermynrivier

Die Silwermynrivier is 'n spruit in die Kaapse Skiereiland.

Silwermynrivier
Stroomgebied	Wes-Kaap, Suid-Afrika
Oorsprong	op die oostelike hellings van die Noordhoek-piek
Monding	Clovelly-strand, tussen Vishoek en Kalkbaai, Suid-Afrika Atlantiese Oseaan
Oorsprong-hoogte	720 m
Monding-hoogte	0 m
Silwermynrivier
Koördinate: 34°7′57.04″S 18°26′22.38″O

Hierdie riviertjie ontspring hoog op die oostelike hellings van die Noordhoek-piek op ongeveer 720 m bo seevlak en net suid van die oorsprong van die Prinskasteelrivier. Dit vloei ooswaarts en gaan net na sy begin deur die Silwermyndam, daarna oor die Steenbergplato en deur die Silwermynvallei met sy Silwermynwaterval en die Bachelor’s Cove, gedeeltelik langs die Ou Kaapseweg en deur die Clovelly-gholfbaan. Sy mond is op die Clovelly-strand tussen Vishoek en Kalkbaai.

Die dam (ook bekend as die Hansendam) met 'n kapasitiet van 80 000 m³ is by 34° 4′ suid en 18° 23′ oos en is gebou aan die einde van die 19de en begin van die 20ste eeu om water te verskaf aan Kalkbaai en Muizenberg. Tans loop die water met 'n pyplyn na Westlake.

In 1687 het Simon van der Stel in hierdie omgewing na silwer laat soek. Die Steenbergplato was in 1817 die plaas Kleinplaats. Verraderlike dryfsand in die rivier se mond het al tot lewensverlies gelei.

Lees ook

• Silwermyn-natuurreservaat

Bibliografie

• Burman, Jose: Safe to the sea. Kaapstad: Human & Rousseau, 1962.