Sint Joris en die draak
Die verhaal van sint Joris en die draak het 'n Bisantynse oorsprong en is ná die Kruistogte hervertel. Die storie het aanvanklik in die bronne van die 11de en 12de eeu in Cappadocia afgespeel, maar is na Libya verskuif in die 13de-eeuse Legenda aurea.[1]
In die volledige verhaal het die draak 'n nes gemaak by 'n stroom wat water voorsien aan die stad Sirene in Libië. Die inwoners moes van tyd tot tyd die draak weglok om water te kry. Daarvoor het die stadsvaders elke dag 'n menslike offerande aan die draak gemaak. Hulle het hul slagoffer gekies deur lootjies te trek.
Op 'n dag het hulle die prinses gekies. Skielik verskyn sint Joris (omstreeks 275/281 tot 23 April 303), verslaan die draak en verlos die inwoners van hulle smart. Uit dankbaarheid bekeer al die inwoners hulle tot die Christendom.
Verwysings
wysig- ↑ St. George and the Dragon: Introduction in: E. Gordon Whatley, Anne B. Thompson, Robert K. Upchurch (eds.), Saints' Lives in Middle Spanish Collections (2004).