'n Skandaal is 'n openbare voorval waartydens 'n ongeregtigheid, skande of 'n morele oortreding aan die klok gehang word. Dit behels 'n beskuldiging(s) teen 'n persoon of organisasie wat wye openbare en/of mediablootstelling geniet. Skandale kan oor 'n werklike gebeurtenis handel, maar kan ook uit valse aantygings, of 'n kombinasie daarvan, bestaan.[1]

Richard Nixon se bedanking na die Watergate-skandaal.

Skandale word deur joernaliste, tv-kanale, fluitjieblasers of kuberkrakers, wat toegang tot geheime inligting het, geopenbaar. Die motiewe wat mense hiertoe dryf sluit in: wraak, winsbejag, soeke na publisiteit of 'n regverdigheidsgevoel.

Die persone of organisasies wat beskuldig word, word meestal negatiewe deur skandale geraak. Dit kan hul geloofwaardigheid aantas en tot reuse verliese lei. Skandale word egter soms (veral deur kunstenaars) ingespan om publisiteit te verwerf.

Onwaar aantygings lei dikwels tot 'n verlies aan respek vir daardie persoon, en kan hul loopbane vernietig. Aan die ander kant kan pogings om 'n skandaal toe te smeer tot 'n groter skandaal lei, veral as die toesmeerdery nie werk nie.

Voorbeelde van bekende skandale is die Inligtingsdebakel, Watergate-skandaal en die Panama-verslag. Die mees onlangse sportskandaal is die Australiese krieketbalpeuterskandaal van 2018.

VerwysingsWysig

  1. Davis 2014, p. 84.