Skoleondersteuningsentrum
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Hierdie artikel behoort skoongemaak te word, omdat die bewoording nie voldoen aan 'n Neutrale Standpunt nie; die neutraliteit van die artikel is wel nie noodwendig in dispuut nie.
Die Skoleondersteuningsentrum (SOS) se visie is om die toekoms van Christelike, Afrikaanse onderwys te help verseker deur gehalte onderrig wat reeds bestaan in stand te help hou, én waar nodig nuut te bou. Ons werk om Afrikaanse onderwys van wêreldgehalte in die langtermyn volhoubaar en bekostigbaar te maak, in openbare sowel as onafhanklike skole.
Die SOS is amptelik in 2015 gestig as deel van die Solidariteit se Helpende Hand, maar word sedert 2018 as ’n onafhanklike instelling binne die groter Solidariteit Beweging bestuur. Die organisasie streef daarna om deur moderne tegnologie oplossings te vind vir voortgesette, bekostigbare, wêreldgehalte onderrig in Afrikaans.
Die SOS bestaan uit vier afdelings wat fokus op die ondersteuning van Afrikaanse skole.
Innovasie wysig
SOS-Innovasie fokus op stelselontwikkeling en -uitbreiding, waarvan Die Wolkskool die kern vorm.
Verder ondersteun ons skole om die Omgekeerde klaskamer-model volhoubaar te implimenteer en te gebruik as ’n onderrigmodel.
Opleiding wysig
SOS-Opleiding fokus op vakgerigte opleiding vir Afrikaanse onderwysers d.m.v. kongresse, seminare, webinare en ontbyte. Daar is ook generiese opleiding in die gebruik van tegnologie in die digitale era, aktuele onderwyskwessies, leierskap en selfs nuwe onderrig en leermodelle.
Ontwikkeling wysig
SOS-Ontwikkeling bevorder die selfstandigheid van Afrikaanse skole en volhoubare Afrikaanse onderwys.
Ontwikkeling is verantwoordelik vir navorsing en veldtogte om moedertaalonderrig te beskerm en skakeling om die SOS as verskaffer van rigtinggewende onderwysoplossings te vestig.
Onderrig en leer wysig
SOS-Onderrig en Leer doen navorsing oor die onderwys van gister, vandag en môre en bou daaruit, saam met ʼn netwerk van rolspelers, 'n beproefde, bekostigbare en volhoubare model waaruit bestaande en nuwe Afrikaanse Christelike skole 'n blink toekoms vir ons nageslagte kan verseker.
Eksterne skakels wysig
- Amptelike webwerf: https://www.skole.co.za
- Wolkskool: https://wolkskool.co.za
- Onderwysportaal: https://onderwysers.co.za