Skuifknoop

'n Skuifknoop is 'n bekende en gewilde knoop onder die algemene publiek, en is ook maklik om te knoop. Dit is egter ook maklik om die knoop verkeerd te knoop, waarmee die gevolglike diefknoop en oumaknoop vorm.

'n Skuifknoop

EienskappeWysig

Alhoewel die skuifknoop op die oog af na 'n sterk en veilige knoop lyk, is dit 'n baie onveilige knoop, wat op die mees onverwagte tye kan losgaan. Dit gebeur veral met gladde toue, of waar die twee toue se eienskappe verskil (bv. die tipe tou, toue met verskillende styfhede, of waar die diktes selfs net effens verskil). In hierdie gevalle kan die knoop skielik meegee.

GebruikeWysig

As gevolg van die knoop se eienskappe, is dit belangrik dat hierdie knoop nie gebruik word om 'n las te dra, soos om voorwerpe en persone mee op te hys of te trek nie. Dit is wel 'n geskikte knoop om pakkies, skoenveters ens. mee vas te maak.

Soortgelyke knopeWysig

Soortgelyke knope is die diefknoop en die oumaknoop. Beide hierdie knope is onveilig, en sal met die geringste spanning daarop lostrek.

MetodeWysig

 
Stapsgewyse aanwysings om 'n skuifknoop te maak.

A. Vou die twee lyne 'n halwe draai om mekaar, sodat die toue se twee punte in dieselfde rigting wys.

B. Vou die twee tou nog 'n keer 'n halwe draai om mekaar, maar keer die rigting om. Dit is belangrik dat punte e en f asook punte g en h langs mekaar lê.

Verder moet punte f en g albei aan dieselfde kant van die knoop lê.

C. Vat punte e en f in een hand, en punte g en h in die ander hand. Trek hierdie punte styf. Indien net die lang punte, of 'n lang en kort kant saam getrek word, kan hierdie knoop losgaan.

Eksterne skakelsWysig